←  Deuteronomy (33/34)  →
1. He malsawmna hian a ni, Pathian mi Mosia'n a thih hmaa Israel thlahte mal a sawm ni.
2. "Sinai atangin LALPA chu a lo kal a, Seir atangin an hnenah a thawk a, Paran tlang atangin a eng chhuak a, Mi thianghlim sangsawm zing atangin a lo kal; A kut dinglamah chuan an tan dan alh thei a awm a.
3. A ni, chi tinte chu a hmangaih a, A mi thianghlim zawng zawngte chu i kutah an awm a. I ke bulah an thu a; I thu chu an pawm theuh ang.
4. Mosia chuan dan min pe a, Jakob-ho mipui tan roluah tur.
5. Jesurun-ah a lal a, Mipuiho puipate an pung khawm a, Israel chi zawng zawng a huhoin
6. Reubena chu dam reng se la, thi loin, A mite erawh chu tlem thung rawh se," a ti a.
7. Tin, hei hi Juda-ho mal a sawmna a ni; 'LALPA, Juda aw chu ngaithla la, A mite hnenah hruai lut rawh; A kutin a tan a chuh a, A hmelmate beihpuitu i ni ang,"
8. Tin, Levi-ho chungthuah chuan; "I Thumim leh i Urim chu i mi thianghlim hnenah a awm, Masa-a i fiah a, Meriba tuiahte i beih kha;
9. "Ka nu leh ka pa ka hre lo,' titu khan, A unaute a hre hek lo. Ama fate ngei pawh a hre hek lo; I thu chu a pawm a, I thuthlung an zawm a ni.
10. Jakob-ho chu i rorel-te an zirtir ang a, Israel-hote i dan; I hmaah rimtui an dah ang, I maichamah pumhal thilhlan.
11. Malsawm rawh, LALPA, a sum a pai, A kutkawihte lo pawm la; A beitute kawng chu vua la, A hawtute kawng nen, an chet leh tawh lohna'n," a ti a.
12. Tin, Benjamin-ho chungthuah chuan, LALPA duh taka chu a kiangah himin a awm ang; Nilengin a awp ang a, A paw thin ang," a ti a.
13. Tin, Josef-ho chungthuah chuan, "A ram chu LALPA malsawmin awm rawh se, Van thil hlu daitein, Tui thuk hnuaia lama tuitein,
14. Ni rah chhuah thil hlu tein, Thlaten thil hlu a chhuah tein,
15. Hmasang tlang tea thil duhawm ber tein, Chatuan tlanga thil hlutein,
16. Leilung leh a chunga thil hlutein, Hnimbuka awma duhsaknain; Malsawmna chu Josef-ho lu chungah lo awm rawh se, A unaute hnen ata tihhrana chhipah chuan.
17. A ropuina chu a bawngpa piang hmasa ropuina ang ani a, A ki chu sele chal ki ang a ni; Chung chuan hnam tin, a si ang, kawlkil thlengin; Ephraim-ho sangsawm te an ni a, Manase-ho sangte an ni," a ti a.
18. Tin, Zebulun-ho chungthuah chuan, "Lawm rawh, Zebulun, i vahchhuahnaah te, Tin, Isakar, i puan inah te.
19. Tlangah chi tin an ko ang a, Tahchuan felna inthawinate an hlan ang; Tuifinriat mukna an tlan dawn si, Tiauva ro inphumte nen," a ti a.
20. Gad-ho chungthuah chuan, "Gad-ho tizautu chu fakin awm rawh se. Sakeibakneipui angin a chang a, Ban a ham thler a, a ni, chhip zawl te pawh.
21. A tha lai ber atan a thlang a, Roreltu chanvo chu vohin a awm si a. Puipahote hnenah a kal a, LALPA rorelna fel a zui a; Israelte hnena a rorelnate chu," a ti a.
22. Dan-ho chungthu-ah chuan, "Dana sakeibaknei no a ni, Basan atanga lo zuang chhuak chu," a ti a.
23. Naphtali-ho chungthuah chuan, "Aw, Naphtali, duhsaknaa lungawi, LALPA malsawmnaa tlai, Chhim leh thlang luah rawh," a ti a.
24. Aser-ho chungthuah chuan, "Asera chu fanauva malsawmin awm se la, A unaute zingah tlatlum se la; Hirakah a ke chiah rawh se.
25. I kalhnate chu thir leh dar ani ang, I dam chhung ni angin i chakna pawh a awm ang," a ti a.
26. "Pathian ang tumah reng an awm lo, aw Jesurun, A pui tur chea vana chuang, Ropui taka vana chuang chu.
27. Chatuan Pathian chu i awmna a ni a, Hnuai lamah chuan chatuan ban a awm, Hmelmate chu a vai kiansak chia, 'Tiboral rawh,' a ti.
28. Tin, Israela chu ralmuang takin a awm a, Jakoba tuichunchhuah a pumbil; Buh leh uain ramah chuan, A ni, a vanten daifim an fartir.I nihlawh e, aw, Israel, Nang ang reng tu nge awm, LALPA chhandam mite? Nangmah puitu phaw, I ropuina khandaih a ni! I hmelmate i hnenah an intulut ang a, An hmun sangte i chil ang," a ti a.
29. I nihlawh e, aw, Israel, Nang ang reng tu nge awm, LALPA chhandam mite? Nangmah puitu phaw, I ropuina khandaih a ni! I hmelmate i hnenah an intulut ang a, An hmun sangte i chil ang," a ti a.
←  Deuteronomy (33/34)  →