←  2Kings (11/25)  →
1. Tin, Ahazia nu Athlain a fapa a thi tih a lo hriat chuan, a tho a, lal fate zawng zawng chu a that vek a.
2. Ahazia fapa Joasa erawh chu lal Jorama fanu, Ahazia farnu Jehosebi chuan lal fapa an thahte zing ata chu a hruai bo a, a enkawltu nen khum pindanah a awmtir a; Athali hmuh theih loh turin an thukru a, tihuan thah a ni ta lo a.
3. Tin, ani chu amah nen chuan lalap inah kum ruk an biru a, tichuan Athali inah kumruk an biru a, tichuan Athali chuan chu ramah chuan ro a tel ta a.
4. Tin, a kum sarihnaa chuan Jehoiadan Kereth mite leh vengtu sipaite zinga mi sipai za hotute chu a kohtir a, LALPA inah a hnenah a hruai luhtir a; tin, an hnenah thu a thlung a, LALPA ina chuan chhia a chamtir a, lal fapa chu a entir hlawm a.
5. Tin, ani chuan, "In tih tur chu hetiang hi a ni: In zinga chawlhni alo kal turte hi hmun thuma thea hmun khatin lal in chu in veng ang a;
6. tin, hmun thuma thena hmun khat chu Sur kulh kawngkaah in awm ang a; tin, hmun thuma thena hmun khat chu vengtute hnung lama kulh kawngkaah in awm ang; chutiang huan in chu in veng ang a, a dangtuah in awm tur a ni.
7. Tin, in zinga pawl hnih, chawlhnia tin, tur zawng zawngte chuan lal kiang velah LALPA in chu in veng ang a.
8. Tin, mi tinin hriamhrei kengin lal chu in hual vel ang a; tupawh hual chhunga lo lut apiang chu lo thah zel tur a ni; tichuan lal chu a lut leh a chhuak chu zui zel rawh u," tiin thu a pe a.
9. Tin, sipai za hotute chuan puithiam Hehoiada thupek ang zawng zawng chuan an ti a; tin, mani hote theuh chawlhnia lo kal turte leh, chawlnia tin turte chu an hruai a, puithiam Jehoiada hnenah an kal a.
10. Tin, puithiam chuan sipai za hotute chu LALPA ina awm , lal Davida fei leh phawte chu a pe a.
11. Tin, vengtu sipaite chuan hriamhrei keng theuhin, in ding lampang atanga vei lampang thelngin, maicham leh in hrulah chuan lal chu an din hual mup a.
12. Tichuan lal fapa chu a rawn hruai chuak a, lallukhum a khumtir a, hriattirn thu chu a pe a; tin, lalah an siam a, hriak an thih a; tin, an kut an beng a, "Pathianin lalber hum him rawh se," an ti a.
13. Tin, vengtu siapite leh mipuihote thawm chu Athalin a lo hriat chuan LALPA inah mipuite zingahc huan a va kal a;
14. tin, a han en a, ngai teh, lal chu dan angin ban hrulhah alo ding a, sipai hotute leh tawtawrawt tumtute chu lal bulah an ding a; tin, chu mi rama mi zawng awng chu an hlim em em a, tawtawrawt an ham chiam a. Tichuan Athali chuan a puante a pawt thler a, "Phiarrukna! Phiarrukna a ni ta le!" tiin a au a.
15. Tin, puithiam Jehoiada chuan sipaite chunga hotua ruat sipai za hotute chu thu a pe a, an hnenah, "Sipaihote karah chhuahtir rawh u; tupawh a zui apiang chu khandaiha sahhmum tur a ni," a ti a; puithiam chuan, "LALPA inah zawng thah tur ani lo e," a lo ti tawh si a.
16. Chutichuan kawng an kian a; tin, sakawr luhna kawngah lal inah a kal a; chutah chuan a ni, an thah tak ni.
17. tin, Jehoiada chuan LALPA leh lal leh mipuite karah chuan LALPA mie an lo nihna tur thu a thlung ta a; lal leh mipuite karah pawh.
18. Tin, chu mi rama mi zawng zawng chu Baala ina an kal a, an tichim a; amaichamte leh a lemte chu an tisawm dep a, Baala puithiam Mattana pawh maicham bula an that a. Tin, puithiam chuan LALPA in vengtu hotute a ruat a.
19. Tin, sipai za hotute, Kereth mi te, vengtu sipaite leh, chu i zawng awng chu a hruai a, LALPA in ata lal chu a han hruai thla a, vengtu te kawngkaa lutin lal inah an kal a. Tichuan lalhote lalthutthlengah a thu ta a.
20. Chutichuan chu mi rama mi zawng zawng chu an lawm a, tin, khawpui chu buai loin a awm ta a; tin, Athali chu khandaihin lal inah an that a.Jehoasan ro a rel tan lai chuan kum sarih mi a ni.
21. Jehoasan ro a rel tan lai chuan kum sarih mi a ni.
←  2Kings (11/25)  →