←  1Samuel (8/31)  →
1. Tin, heti hi ani a, Samuela chu a lo pa ta a, a fapate chu Israel mite chunga roreltua a siam a.
2. A fa tir hming hu Joela a ni a; tin, a dawttu hming chu Abija ani a; Beer-sea-a roreltu an ni a.
3. Nimahsela a fate chuan a awmdan chu an la ve lo a, sum leh pai lam an um a, thamnate an la a, dik lo takin ro an rel a.
4. Chutichuan Israel mite upaho zawng zawng an inkhawm a, Rama khuaah Samuela hnenah an kal a;
5. a hnennah, "Ngai teh, i lo pa ta hle mai a, i fapate lah chuan i dawm dan chu an la ve si lo a; hnam dang zawng zawngte ang bawka kan chunga rorel turin lal min siam rawh khai," an ti a.
6. Nimahsela a hnehah, "Ro min relsaktu tur lal min pe rawh," an tih thu chuan Samuela chu a tilawm lo hle mai a.
7. Tichuan Samuela chuan LALPA hnenah a tawngtai a. Tin, LALPA chuan Samuela hnenah, "Mipuiten i hnena an sawi zawng zawng chu ngaithla rawh; nang duh lo che an ni lo a, an chunga lal atan keimah mi duh lo an ni zawk e.
8. Aigupta ram ata ka hruai chauh ni atanga tun thlenga an thiltih dan zawng zawng, min hawisan Pathian dang rawnte min bawlsan thin ang bawk hian i chunga an ti a nih hi.
9. Chuvangin an thu chu ngaithla rawh: amaherawhchu urhsun taka tiamkamin an chungah roreltu lal chet dan tur chu kawhhmuh chiah rawh," a ti a.
10. Tin, Samuela chuan LALPA thu zawng zawng chu lal diltu mipuite chu a hrilh vek a.
11. "In chunga roreltu tur lal chet dan chu hetiang hi a ni ang: in fapate chu a sakawr leh a tawlailir chuan piah a ruat ang a, a tawlailir hmaah tlante an awm ang a:
12. tina sipai sang hotuah te, sawmnga hotutahte a ruat ang a; tin, thenkhatte chu a lei lettu atan te, abu sengtu atan te, a indo thuamhnaw siamtu atan te, a tawlailir hmanraw siamtu atan te ahmang ang a.
13. Tin, in fanute chu rimtui siamtuah te, chaw chhumtuah te, chhang siamtuah a hmang ang.
14. Tin, in lo te, in grep huan te, in oliv huan te, a tha tahte a chhuahsak ang che u a, a chhiahhlawhte a pe ang.
15. Tin, tin, thlai chi leh in grep huana mi sawma pakhat a laksak ang che u a, a chhiahhlawhte leh hotute a pe ang.
16. Tin, in chiahhlawhpa te, in chhiahlawhnu te, in tlangval tha tha te, in sabengtung te a chhuhsak ang che u a, a hnathawktu atan a ruai ang.
17. In beramruala mi sawma pakat a laksak ang che u a; tin, a chhiahhlawhte in ni ang.
18. chuan in la rum chhuak ang a; nimahsela chu mi hun chuan LALPA'n a chang lo ang che u," a ti a.
19. Nimahsela mipuite chuan Samuela thu chu an pawm duh lo a, "A ni lo e, lal kan nei ngei tur a ni;
20. tichuan hnam dang zawng zawngte ang kan lo ni ang a, tin, kan lal chuan romin relsak ang a, kan hnamte hruaiin ralte min dopui ang," an ti a.
21. Tin, Samuela chuan mipuite thusawi zawng zawng chu a hria a, LALPA benga chuan a thun leh chhawng a.Tin, LALPA chuan Samuela hnenah, "An thu chu pawm la, lal siamsak rawh," a ti a. Tin, Samuela chuan Israel mite hnenah chuan, "Mi tin, mahni khuaah haw theuh rawh u," a ti a.
22. Tin, LALPA chuan Samuela hnenah, "An thu chu pawm la, lal siamsak rawh," a ti a. Tin, Samuela chuan Israel mite hnenah chuan, "Mi tin, mahni khuaah haw theuh rawh u," a ti a.
←  1Samuel (8/31)  →