←  SongOfSongs (5/8)  →

---

1.

Возљубениот: Дојдов во градината своја, сестричке невесто, ја обрав смирната моја и мирисите мои, ги јадев медените питки до мојот мед, го пиев виното со моето млеко. Јадете, пријатели, пијте и насиете се, мили мои!

2.

Возљубената: Спијам, но срцето мое е будно; ете го гласот на мојот возљубен, кој чука: "Отвори ми сестро, мила моја гулабице моја, совршена моја, зашто главата моја е целата со роса покриена, и косата моја - со нокна влага.

3.

Го соблеков хитонот свој, пак ли да го облекувам? Сум ги измил нозете свои, како да ги валкам?"

4.

Мојот возљубен ја протегна раката низ отворот, и срцето мое затрепери од него.

5.

Станав да му отворам на мојот возљубен; од рацете ми капеше смирна, од прстите мои пријатен мирис на смирна врз држката од клучалката.

6.

Му отворив на мојот возљубен, а мојот возљубен си беше отишол. Душата ми премре, додека тој говореше; го барав, но не го најдов; го викав, но не ми се јавуваше.

7.

Ме сретнаа стражарите, што го обиколуваа градот, ме натепаа, ме изнаранија; ми го симнаа превезот оние, што ги чуваа sидиштата.

8.

Ве заколнувам, керки ерусалимски! Ако го сретнете мојот возљубен, кажете му, дека изнемошувам од љубов.

9.

Хорот: Со што е твојот возљубен подобар од другите возљубени, о, најубава ме у жените? Во што твојот возљубен е подобар од другите, па така не заколнуваш?

10.

Возљубената: Мојот возљубен е бел и румен, избран ме у десет иљади други;

11.

главата негова - чисто злато; кадрите негови - брановидни, црни како гавран;

12.

очите негови - како гулаби крај водни потоци, што се капат во млеко, што стојат задоволни;

13.

образите негови - ароматен цветник, леи со миризливи билки; усните негови - кринови од кои капе чиста смирна;

14.

рацете негови - златни валци, опсипани со топази; стомакот негов - како сад од слонова коска, обложен со сафири;

15.

нозете негови - мермерни столбови, поставени врз златни подлоги; изглед има како Ливан, величествен е како кедар;

16.

устата негова - сладост, и целиот тој е пожелен. Ете, кој е мојот возљубен, и ете, кој е пријателот мој, керки ерусалимски.

17.

Хорот: Каде отиде твојот возљубен, о, најубава ме у жените? Каде скришна твојот возљубен? Ние ке го побараме со тебе.

---

←  SongOfSongs (5/8)  →