←  Psalms (118/150)  →

---

1.

Славете го Господа, зашто Он е добар, зашто милоста Негова е вечна.

2.

Нека каже сега домот Израилев дека е Он добар, дека милоста Негова е вечна.

3.

Нека рече сега домот Аронов: дека е Он добар, дека милоста Негова е вечна.

4.

Нека кажат сега сите, кои се бојат од Господа: дека е Он добар, дека милоста Негова е вечна.

5.

Кога бев на мака, Го призвав Господа и ме услиши и на ширина ме изведе.

6.

Господ е мој помошник, нема да се уплашам: што може да направи човек?

7.

Господ ми е помошник: и јас слободно ке гледам на непријателите мои.

8.

Подобро е да се надевам на Господа, отколку да се надевам на човек.

9.

Подобро е да се надевама на Господа, отколку да се надеваме на кнезовите.

10.

Сите народи ме опколија, но со името Господово јас ги разбив;

11.

ме опседнаа, ме обиколија, но со името Господово јас ги победив.

12.

Ме опкружија како пчели околу сотка, па се запалија како оган во трње: со името Господово јас им се противставив.

13.

Ме турнаа силно, за да паднам, но Господ ме прифати.

14.

Господ е крепост моја и песна; Он стана мое спасение.

15.

Глас на радост и на спасение се слуша во домовите на праведните; десницата на Господа дава сила!

16.

Десницата Господова ме возвишува, десницата Господова дава сила.

17.

Нема да умрам, но ке живеам и ке ги разгласувам делата Господови.

18.

Господ строго ме казни, но на смрт не ме предаде.

19.

Отворете ми ја вратата на правдата: ке влезам во неа, ке го прославувам Господа.

20.

Ете, тоа е вратата Господова, праведните влегуваат низ неа;

21.

ке Те славам, зашто ме услиши и стана спасение мое.

22.

Каменот, што го отфрлија sидарите, стана глава на аголот.

23.

тоа е од Господа, и е прекрасно во очите наши.

24.

Овој ден е што го создаде Господ за да се зарадуваме и да се развеселиме во него.

25.

О, Господи, спаси! О, Господ, побрзај!

26.

Нека е благословен оној, кој оди во името на Господа! Ве благословуваме од домот Господов.

27.

Бог е Господ и ни се јави; образувајте празнична придружба до роговите на жртвеникот.

28.

Бог мој си Ти и Тебе ке те славам; Бог мој си Ти и Тебе ке те превознесувам. Kе те прославувам, зашто Ти ме услиши и стана мое спасение.

29.

Славете го Господа, зашто Он е добар, зашто милоста му е вечна.

---

←  Psalms (118/150)  →