Mark (7/16)

← Mark (7/16) →

Околу Него се собраа фарисеите и некои од закониците, кои беа дошле од Ерусалим,

и видоа дека некои од Неговите ученици јадат леб со нечисти, односно неизмиени раце.

(Зашто фарисеите и сите Евреи, држејќи се до традицијата на старите, не јадат ако не ги измијат рацете до лакти;

и кога ќе се вратат од пазар, не јадат ако не се измијат. А има уште многу нешта што ги прифатиле и ги зачувале: миење на чаши, стомни и бакарни садови.)

И така, фарисеите и закониците Го прашаа: "Зошто Твоите ученици не живеат според традицијата на старите, туку јадат леб со неизмиени раце?"

А Тој им рече: "Добро пророкуваше Исаија за вас лицемерите, како што е запишано: 'Овој народ со уста Ме почитува, а неговото срце е далеку од Мене;

залудно Ме почитува, кога проповеда учења кои всушност се човечки заповеди.'

Bие ја оставате Божјата заповед, а се држите за човечката традиција.

На убав начин ја укинувате" - продолжи Тој - "Божјата заповед, за да ја зачувате вашата традиција!

10.

Имено, Мојсеј рече: 'Почитувај ги татка си и мајка си!' и 'Кој ќе го навреди таткото и мајката, да биде казнет со смрт!'

11.

А вие велите: 'Ако некој им рече на својот татко или на својата мајка: 'Тоа со што требаше да ти помогнам го дадов курбан (жртва, наменета за Бог),'

12.

веќе не го оставате да направи ништо за својот татко и за својата мајка.

13.

И така правите престап спрема Божјото слово со својата традиција, која вие ја воспоставивте, и правите многу други работи слични на ова."

14.

Откако повторно го повика народот кај Себе, му рече: "Слушајте ме сите и разберете!

15.

Нема ништо однадвор што би можело да го направи човекот нечист кога ќе влезе во него; туку она што излегува од човекот, тоа го прави нечист.

16.

Кој има уши, нека слуша!"

17.

Кога се оддалечи од народот, влезе во една куќа, а Неговите ученици Го прашаа за смислата на споредбата.

18.

Тој им рече: "Така! Зар и вие не разбирате? Не сфаќате ли дека ништо што влегува однадвор во него, не може да го направи човекот нечист,

19.

зашто не влегува во неговото срце, туку во желудникот и излегува од него?" (Така Тој ја прогласи сета храна за чиста.)

20.

Исто така им велеше: "Она што излегува од човекот, тоа го прави нечист,

21.

зашто од внатрешноста, од човековото срце, излегуваат зли мисли, блудства, кражби, убиства,

22.

прељуби, лакомства, пакости, лукавства, разузданост, завист, богохулство, безобѕирност, гордост, безумност.

23.

Сите тие зла излегуваат однатре и го прават човекот нечист."

24.

Оттаму Тој стана и отиде во областа Тир и Сидон. Bлезе во една куќа, а сакаше никој да не дознае. Но не можеше да остане незабележан.

25.

Кога пак чу за него една жена, чија ќерка имаше нечист дух, дојде и падна пред Неговите нозе.

26.

А таа жена беше Гркинка, родум сирофеничанка. И Го молеше да го истера демонот од ќерка и .

27.

А Тој и рече: "Остави ги прво да се наситат децата, зашто не е добро да им се земе лебот на децата и да им се фрли на кучињата."

28.

Таа пак одговори: "Добро, Господи! Но и кучињата под трпезата јадат од трошките на децата."

29.

И Тој и рече: "Заради тој збор, оди си, демонот излезе од ќерка ти."

30.

И кога се врати дома го најде девојчето како лежи на постелата, а демонот беше излегол.

31.

И кога излезе пак од пределите на Тир, дојде, преку Сидон, до Галилејското Море, сред пределите на Декапол.

32.

Ете Му доведоа човек глув, кој тешко зборуваше и Го молеа да положи рака врз него.

33.

И го оттргна насамо од народот, ги стави Своите прсти во неговите уши, и откако плукна, го допре неговиот јазик,

34.

погледна кон небото, воздивна и му рече: "Ефата!" - што значи: "Отвори се!"

35.

И веднаш му се отворија ушите и му се разврза врвцата на неговиот јазик, и правилно зборуваше.

36.

И им се закани никому да не кажуваат. Но колку што повеќе Тој им заповедуваше, толку повеќе тие разгласуваа.

37.

И прекумерно се чудеа и велеа: "Само добрини чини! И глувите ги прави да слушаат и немите да зборуваат!"

← Mark (7/16) →