Ezra (10/10)

← Ezra (10/10)

Додека Ездра така се молеше и исповедаше, плачејки и лежејки пред Божјиот дом, се собра кај него многуброен народ од Израилот, мажи, жени и деца, зашто и народот плачеше многу.

Тогаш се јави Сехенија, синот Јеилев од синовите Еламови, и му рече на Ездра: "Згрешивме пред нашиот Бог, зошто зедовме жени од народите на таа земја, но уште има надеж за Израилот за таа работа;

да се заветуваме сега пред нашиот Бог, дека ке ги отпуштиме сите другоплемени жени и родените од нив деца, - и нека биде по законот на нашиот Бог, и според законот нека биде.

Стани, зашто ова е твоја работа, и ние сме со тебе: биди храбар и работи!"

Тогаш стана Ездра и им порача на старешините над свештениците, левитите и над сиот Израил да положат клетва, дека ке направат така. И тие се заколнаа.

Стана Ездра и тргна од Божјиот дом кон зградата на ризницата при Јоханана, Јелисувавиот син, и стигна таму. Леб не јадеше и вода не пиеше, зашто плачеше поради престапите на преселниците.

И им соопштија по Јудеја и во Ерусалим на сите, што беа во пленство, да се соберат во Ерусалим,

а на оној што не ке дојде за три дни, ке му се одземе имотот, по решение на кнезовите и старешините, целиот имот негов, а самиот тој ке биде отстранет од општеството на преселниците.

И во тие три дни се собраа во Ерусалим сите жители на Јудеја и на земјата Венијаминова. Тоа беше во деветтиот месец на дваесеттиот ден од месецот. Седеше сиот народ на плоштадот пред Божјиот дом и трепереше, како поради таа работа, така и од дождот.

10.

Тогаш свештеникот Ездра стана и им рече: "Вие направивте престап, земајки жени од други племиња и со тоа ја зголемивте вината на Израилот;

11.

затоа, покајте се пред Господа Бога на вашите татковци, и исполнете ја вољата Негова, одвојте се од народите на таа земја и од жените од други племиња."

12.

Целото собрание одговори и рече со силен глас: "Како што рече, така и ке направиме.

13.

Но народот е многуброен, и времето е сега дождливо, та не може да се стои на улица. Па и таа работа не е ни за ден, ниту за два, зашто ние згрешивме многу во таа работа.

14.

Нека се изберат заменици на кнезовите за целото општество, и сите во нашите градови, што зеле жени од други племиња, да доа аат тука во определено време заедно со старешините и судиите на секој град, додека не се одврати од нас пламнатиот гнев на нашиот Бог поради таа работа."

15.

Тогаш се зафатија со таа работа Јонатан, син Асаилов, и Јасија, син Текуев, а Месолам и Саватај, левит, беа нивни помошници.

16.

Така направија дојдените од пленство. За тоа беа одредени: свештеникот Ездра, началниците од секое нивно поколение, и старешините на нивните домови сите по име. Тие се собраа на заседание во првиот ден на десеттиот месец, за да ја испитаат таа работа;

17.

и го извршија испитувањето за сите, што беа зеле жени од други племиња, кон првиот ден од првиот месец.

18.

И се најдоа од свештеничките синови, што беа зеле жени од други племиња, - од синовите на Исуса, синот Јоседеков, и браката негови: Маасија, Елиезер, Јарим и Гадалија;

19.

тие ја дадоа раката своја за уверување, дека ке ги напуштат жените свои, и дека, како виновни, ке принесат жртва по еден овен за вината своја;

20.

од Имеровите синови: Ананиј и Завдија;

21.

Од Харимовите синови: Маасија, Елија, Самија, Јеил и Озија;

22.

од Пасхоровите синови: Елиоинај, Масија, Измаил, Натанаил, Јозавад и Еласа;

23.

од левитите: Јозавад, Симеј и Келаја, тој е и Келит, Патахија, Јуда и Елиезер;

24.

од певците: Елисав; од вратарите, Салум, Телем и Уриј;

25.

а од Израилците, - Фаресовите синови: Рамија, Азија, Мелхија, Мелмин, Елеазар, Асавија и Венеја;

26.

од синовите Иламови: Матанија, Захарија, Јаил, Авдиј, Јеримот и Елија;

27.

од синовите Затуеви: Елионај, Елисув, Матанај, Армот, Завад и Озиз;

28.

од синовите Вавениеви: Јоанан, Ананија, Завуј и Атлај;

29.

од синовите Вануеви: Месолам, Малух, Адаја, Јасув, Саал и Римот;

30.

од синовите на Фат-Моава: Еднеја, Хелил, Ванаја, Маасија, Матанија, Веселеил, Вануј и Манасија;

31.

од синовите Иримови: Елиезер, Јесија, Мелхија, Самаја, Симеон.

32.

Венијамин, Валух, Самарија;

33.

од синовите Асимови: Метанија, Матата, Завад, Елифелет, Јеремај, Манасија и Семеј;

34.

од синовите Ваниеви: Мадија, Амрам и Уил.

35.

Ванаија, Вадаја, Хелија,

36.

Ванија, Маримот, Елиасив,

37.

матаснија, Матанај, Јаасај,

38.

синови Ванијеви, и синови Семееви,

39.

Салемија, Натан, Адаија,

40.

Махнада, Авусесеј, Аруесрил,

41.

Азариел, Селемиј, Семарија,

42.

Салим, Амарија и Јосиф;

43.

Од синовите Невови: Јеил, Мататија, Завад, Зевенај, Јадај, Јоил и Ванеја.

44.

Сите тие си беа зеле жени од други племиња, а некои од тие жени им беа родиле и деца.

← Ezra (10/10)