←  Exodus (26/40)  →

---

1.

"Направи и скинија од десет платништа: од ткаен висон, од сина, црвена и темноцрвена ткаенина; да направиш и херувими - извезена изработка.

2.

Должината на секое платниште нека е дваесет и осум лакти, додека ширината на секе платниште - четири лакти; таа мерка да биде за сите платништа.

3.

Петте платништа нека се придржуваат едно со друго, а петте други платништа нека се држат едно со друго.

4.

И направи сини врвки по работ на првото платниште, од едната страна за соединување; така направи и по работ на последното платниште: каде што ке се соединуваа двете половини;

5.

педесет врвки направи на едно платниште, и песедет врвки направи по работ на другото платниште, каде што ке се соединуваат со следното; да бидат едни спроти други, за да можат да се врзуваат.

6.

Направи и педесет кукучки од злато и со кукичките соедини го едното платниште со другито; и така скинијата ке биде целосна.

7.

Потоа направи платништа од козина за покривање на скинијата; единаесет такви платништа направи.

8.

Едното платниште да е долго триесет лакти, а широко секои платниште, четири лакти; таа мерка да биде за сите единаесет платништа.

9.

И соедини ги петте платништа одделно, и шестте платништа одделно; шестото платниште кон влезот во скинијата свиткај го вудве.

10.

Направи и педесет врвки по работ на крајот од едното платниште, каде што ке се соединат, и педесет кукички по работ на крајот од второто платниште, каде што ке се соединуваат.

11.

И направи кукички педесет од бакар и состави ги кукичките со врвките, па соедини ги платништата, за да биде целина.

12.

А остатокот од платништата на скинијата превиткај го, нека биде таа половина спуштена над скинијата од задната страна;

13.

остатокот, пак, од должината на платништата на скинијата - лакот од едната страна и лакот од другата страна - нека бидат спуштени од страните на скинијата - од едната и од другата страна, за да ја покриват.

14.

И направи покрив над скинијата од кожи овнешки, црвено обоени, како и покривала од сини кожи - одозгора.

15.

Направи и столбови за скинијата од дрвото ситим:

16.

десет лакти нака биде долг секој столб, а лакот и половина широк еден столб;

17.

на секој столб нека има по два клина - еден спроти друг; така направи на секој столб за скинијата.

18.

Така направи столбови за скинијата: дваесет столбови од страната што е на југ,

19.

а под дваесетте столбови направи четириесет подножја од сребро: две подножја на еден столб за обата краја негови, и две подножја под другиот столб за обата краја негови;

20.

и дваесет столбови за другата страна на скинијата, од север,

21.

со четириесет подножја сребрени: две подножја на еден столб и две подножја под друг столб.

22.

А од задната страна на скинијата - што е од кај морето, направи шест столбови.

23.

И направи два столба за аглите на скинијата од задната страна;

24.

тие да бидат одоздола, а одозгора да се соединуваат со алка; така нека биде со двете; тие нека бидат за обата агла;

25.

и така ке има осум столба со шеснаесет подножја сребрени: по две подножја под еден столб, и по две подножја под друг столб - на обата краја негови.

26.

Понатаму направи напречници од дрвото ситим, пет напречни столбови од едната страна на скинијата,

27.

и пет напречници на столбот од другата страна на скинијата, и пет напречници на столбот од задната страна на скинијата, што е кон морето;

28.

а средниот напречник да минува преку средината на столбот, од едниот крај до другиот.

29.

Столбовите позлати ги со злато, а и алките за нив направи ги со злато, во кои ке со провлекуваат напречниците; па и напречниците да ги позлатиш со злато.

30.

Така ке ја направиш скинијата според образецот, што ти беше покажан на планината.

31.

И направи завеса од сина, црвена и од темноцрвена ткаенина и ткаен висон, и на неа нека има уметнички извезени херувими.

32.

И закачи ја на четирите столба од дрвото ситим, опковани со злато, нивните врвови златни, а нивните подножја - сребрени.

33.

Потоа обеси ја зевесата на кукички, и обеси ја така таму завесата до ковчегот на сведоштвото, и завесата ке го одделува светилиштето од свјатаја свјатих.

34.

И со завеса покриј го ковчекот на сведоштвото во свјатаја свјатих.

35.

Намести и трпеза пред завесата и светилник спрема трпезата, од јужната страна на скинијата, а трпезата постави ја на северната страна.

36.

И направи завеса за влезот во скинијата од сина, црвена и темноцрвена ткаенина и од ткаен висон.

37.

За таа завеса ке направиш пет столбови од дрвото ситим, опковани со злато и со врвови златни; па ке им излиеш за нив и пет подножја од бронза.

---

←  Exodus (26/40)  →