←  1Timothy (2/6)  →
1. Затоа, молам, пред сè да се упатуваат молби, молитви, застапувања, благодарности за сите луѓе,
2. за царевите и за сите кои се на власт, за да можеме да водиме спокоен и мирен живот во сета побожност и сериозност.
3. Ова е добро и угодно пред Бог, нашиот Спасител,
4. Кој сака сите луѓе да бидат спасени и да дојдат до целосното познавање на вистината.
5. Зашто еден е Бог, и еден е Посредникот меѓу Бог и луѓето - човекот Христос Исус,
6. Кој се даде Себеси како откуп за сите, за сведоштво во вистинско време.
7. Поради тоа јас бев поставен за гласник, апостол (вистина велам, не лажам) и за учител на неевреите во верата и вистината.
8. Затоа, сакам мажите да се молат на секое место, подигајќи ги светите раце, без гнев и двоумење.
9. Исто така и жените да се украсуваат со пристојна облека, скромно и невпечатливо, не со плетенки и злато, со бисери или со скапоцени облеки,
10. туку со добри дела, како што им прилега на жените кои тврдат дека се побожни.
11. Жената нека се поучува во смиреност и во целосна покорност !
12. А на жената не и дозволувам да поучува, ниту да господари над мажот, туку да биде смирена.
13. Зашто, прво беше создаден Адам, а потоа Ева.
14. И Адам не беше измамен, туку жената откако беше измамена, падна во престап.
15. Но таа ќе биде спасена преку раѓање деца, ако останат во верата, љубовта и во светоста со трезвеност.
←  1Timothy (2/6)  →