← Psalms (53/150) → |
1. | (52:1) victori per chorum eruditi David dixit stultus in corde suo non est Deus(52:2) corrupti sunt et abominabiles facti sunt in iniquitate non est qui faciat bonum |
2. | (52:3) Deus de caelo prospexit super filios hominum ut videret si esset intellegens requirens Deum |
3. | (52:4) omnes aversi sunt pariter adheserunt non est qui faciat bonum non est usque ad unum |
4. | (52:5) numquid non cognoverunt qui operantur iniquitatem qui comedunt populum meum ut cibum panis |
5. | (52:6) Deum non invocaverunt ibi timuerunt timore ubi non est timor quoniam Deus dispersit ossa circumdantium te confunderis quia Deus proiecit eos |
6. | (52:7) quis dabit ex Sion salutare Israhel cum reduxerit Deus captivitatem populi sui exultabit Iacob laetabitur Israhel |
← Psalms (53/150) → |