←  SongOfSongs (2/8)  →

---

1.

Kei hi Saron raws par ka nih,Phaizawla lili par vul chu.

2.

Hling buk laia lili ieng hi,Ka hmangai chu a nih, lanuhai lai.

3.

Ka hmangai chu val ruol lai hin,Ngaw kara epul kung ieng a nih.A zar hnuoiah hlimin ka chawl,A ra a thlum, ka ta dingin.

4.

Ruoithena hmunah a mi thuoi a,A mi hmangaina puonzar a khai.

5.

Grep beiin mi sukhrat la,Epul theiin mi sukhar rawh,I zuna inuoi ka ni hi!

6.

A kut voi tieng ka lukham a,A kut chang tiengin a mi kuo.

7.

Aw Jerusalem lanuhai,Ram zuktuoi le zukpui salin,Kan inkara hmangaina hin,Dit tawk a nga hma khat chu,Inther lo dingin ka ngen cheu.

8.

Ka hmangai rawl ri ka hriet,En ta, saw a hung mek ie!Tlanghai a hung zuon khum a,Muolhai a tlan khel zung zung.

9.

Zuktuoi anga hrat ka hmangai chu,En ta, bang phenah a ngir;Tukver a'nthok a hung bi a,Zawngdaikal awnga inthokin.

10.

Ka hmangai chun a mi biek.Ka hmangai, ka enchim lo,Tho la, mi hung zui raw khai.

11.

Thlasik hun a liem ta a,Khuongruo sur khom a re tah.

12.

Hnuoiin par a hung insuo a,Sirvahan zai hla an rem a,Thuva zai ri khom ei hriet tah,Ei ram muol le tlanga hin.

13.

Theichang an inbal tan a,Grep khom an hung par vul a,A rim a va'n hnik ngei de!Tho la, hung rawh, ka hmangai,Ka enchimlo, hung raw leh.

14.

Suonglung kak kara inbi,Aw ka thuva hung suok rawh;I hmel mawi mi'n hmutir la,I rawl mawi mi'n ngaitir rawh.

15.

Mi manpek ro, sihal le a tehruoihai,Kan grep vul lai an sukram hmain.

16.

Ka hmangai chu ka ta a na,Kei khom ka hmangai ta ka nih.Lili par lai a ran ruol a'n tlattir.

17.

Khawfing a hung chat hma, Zan thim a'n kieng hma ngei hin,Hung kir ta rawh, aw ka hmangai,Zuktuoi anga hratin hung tlan rawh,Bether tlanga sakhi tuoi anga hratin.

---

←  SongOfSongs (2/8)  →