←  Psalms (92/150)  →

---

1.

LALPA inpak hi a tha,Chunghnungtak hming chawimawi a,Zai le rimawi rem dam hi.

2.

Tuk tin a ngilneinahai,Zan tin a ringumziehai,

3.

Tingtang hrui sawm neihai lePerkhuong rimawi hrang hrang a,Inpak le puong an hoi ngei!

4.

Aw LALPA, i thilthawin,A mi sukhlim em em a,I kutsuokhai ka hmuin,Lawmin hlim zai ka vawr hlak.

5.

I kutsuokhai aw LALPA, An va ropui lawm lawm de!I ngaituo a va'n thuk ngei!

6.

Intlawin an hriet phak nawh,Invetin an man phak nawh.

7.

Mi suolhai chu hlo ang a,Hung inthang duong hlut hlutin,Vul chuoiin par hlak sienkhom,Bohmang song ding an ni si.

8.

Sienkhom, nang chu aw LALPA,Kumkhuon chawi sang i ni zing.

9.

I hmelmahai chu LALPA,Chieng takin bohmang an ta;Thil suol thawtu po po khom,Nangin sukdar vong i tih.

10.

Tumpang ki mawi ang elin,Ka ki hi i cheimawi a,Hriek tha i mi nal bok a.

11.

Ka hmelmahai tlawm lai khom,Ka mitin a hmu zing a,Mi beituhai siet thu khom,Ka nain a lo hriet zing.

12.

Mi thahai chu tum thing ang,Hung inthang hlut hlut an ta,Lebanon tlanga sidarThing angin inthang an tih.

13.

LALPA ina phunhai chu,A tuolah inzar an ta,Hung inno hlut hlut an tih.

14.

An upa hle hnung khomin,Kur thlek thlukin rang an ta,Hring inno nghuol zing an tih.

15.

LALPA chu mi ngil a na,Ka'n bikna Lungpui a na,Amaah ritlona hrim,A um ngai nawh ti thu hi,Puongin hril dar hlak an tih.

---

←  Psalms (92/150)  →