←  Psalms (71/150)  →

---

1.

Aw LALPA nang ka hung bel che,Ka muolpho ding phal lul naw rawh.

2.

I felnain mi san suok la,I na ka tieng hin hung daw la,Nangin mi hung san him ngei rawh.

3.

Ka'n bikna lungpui nang ni la,Ka tluk lut rop theina ding chu;Mi san him dingin thu pe rawh,Ka lungpui le kul i ni si.

4.

Mi rilohai kut a'nthok le Mi suol rawng takhai kut a'nthok,Mi san suok rawh, aw ka Pathien.

5.

LALPA, nang chu ka beiseina,Tleirawl a'nthok ka'n nghatna tak,

6.

Ka pieng a'nthok ka ringsan tak,Ka nu phing sunga inthoka,Mi la suoktu chu nang i na,Inpak kumkhuo tang ka ti che.

7.

Vangduoina phurtuw ang hielaMi tam tak ngai khom lo ni lang,Nang ka'n bikna kul nghet i nih.

8.

Ieng lai khomin i ropuina,Chawimawiin ka'n pak ni tin hlak.

9.

Upat hunah mi hnawl naw la, Ka tha zur pha mi maksan naw.

10.

Ka hmelmahan an mi tawng zing,Phil tuma mi'n chantuhai chu,Mi sukse din an inrawn khawm.

11.

"Pathien khomin a zamsan tah,Hnot thlur ei ta, man tang ei tiu,Santu a nei ta nawh" an tih.

12.

Aw Pathien, mi'n hlat ngai naw la,Mi san din hung vat rawh, Pathien.

13.

Mi beituhai chu muolphoin,Sukbohmang ni vong hai sien la,Ka sietna ding zongtuhai chu,Inzakin hmaimawk raw hai se.

14.

Kei chun beisei zing ka che a,Inpak zuol deu deu ka ti che.

15.

Hrein sui suok zo naw lang khom,I felna le sandamna thu,Ni tin hrilin puong pei ka tih.

16.

I thilthaw ropuizie puongin,Hril dar ka tih LALPA Pathien,i'n dikzie chauh hi hril ka tih.

17.

Ka tleirawl laia inthokin,Aw Pathien i mi zirtir a,Tu chen khom hin i thilmak thaw,Ka la hril ngat ngat hlak a nih.

18.

Luah kel sam to ta sienkhom,Mi maksan naw rawh, aw Pathien;I ropuizie le thilthawhai,Thang la thar pei dinghai kuomaKa hril hma chun mi umpui rawh.

19.

Aw Pathien, thil ropui thawtu,I felnain vanhai a tong, Nangma ang tu'm an um hrim a?

20.

Buoina tam mi'n tuortir la khom,Ka nun hi sukhar nawk i ta,Khur inthuk taka inthokin,Mi hung la suok nawk ngei i tih.

21.

Mi chawisang nawk zuol sauh i ta,Mi hung thlamuong nawk ngei i tih.

22.

Aw ka Pathien, i ringumna,Tingtang keiin inpak ka tih. Aw, Israelhai Mithienghlim,Tingtang leh inpak ka ti che.

23.

I'n pakna hla ka sak hunah,Ka hmur hlimin khek suok a tih,I mi'n tlan sa ka ni si a.

24.

I thilthaw indikziehai chu,Sunnithlakin hril dar ka taMi sukse tumtuhai hlak chu,Muolphoin an chi-ai ta si.

---

←  Psalms (71/150)  →