←  Psalms (66/150)  →
1. Leihnuoia cheng po pohai,Hlima Pathien inpakin,
2. A hming ropui chawimawiin,Lawm hla sakin khek suok ro!
3. "I thilthaw a ropui ngei!I hrat khawkheng em leiin,I hmaah i hmelmahai,Tiin an inthin hawp a.
4. Hnuoi mi po po bokkhupin,I hmaah an hung kun a,i'n pakna hla an sak a,I hming an chawimawi," tiin,Pathien kuoma chun hril ro.
5. En ta u, hringmi laia Pathien thilthaw zozai hi,A va hang rapthlak de aw!
6. Tuipui inthuk takhai chu,Hnuoi charah a'n changtir a,Kein tuipui an kan a,A chungah ei hlim hle kha.
7. A hratnan ro a rel zing,Hnamhai a enthlak zing a,Helhai huongtau naw raw se.
8. Hnamhai, Pathien inpak ro,A'n pakna ri thang khawk sien;
9. Hringdamin a mi'n umtir,Ei tluk ding a mi veng hlak.
10. Aw Pathien, nangma ngeiin,Meia tangka fie angin,I mi fie fai tah kel a.
11. Changah i mi'n awktir a,Phur rik tak i mi'n phurtir.
12. Kan chungah mi an chuong a,Mei le tui lien kan pal tlang;Nisienkhom hmun thawvengah,Nangin i mi thuoi lut tah.
13. I tempulah hung ka ta,Pumraw inthawi inhlanin,Ka thutiem hlen ngei ka tih-
14. Lungzing laia ka tiem kha,Ka hril angin hlen ka tih.
15. Ran thau thau inhlan ka ta,Beram chal inhlan ka ta,Bawngchal khom inhlan ka ta,Kelchal inhlan bok ka tih.
16. Pathien. tituhai hungin,Ka thu hi hung ngaithla ro;Ka chunga a thilthawhai,Iengkim lo hril ka ti cheu.
17. Bauin ama ka ko a,Ka lei a'n paknan a sip.
18. Suol lawm ruk mi ni lang chu,LALPAN mi ngaithla naw nih;
19. Pathien chun a mi ngaithlak,Ka hnina a lo bengkhon.
20. Ka tongtaina hnawl lo a,A hmangaina tawp ngai lo,La kir ngai lo Pathien chu,Inpakin um zing raw se.
←  Psalms (66/150)  →