←  Psalms (56/150)  →

---

1.

Aw Pathien, mi lunginsiet la,Miha'n pelin an mi hnot thlur,An mi ve zing, sunnithlakin.

2.

Sunni tina mi vetuhan,Uongthuong takin an mi bei a,A tam khom an va hang tam ngei!

3.

Tia ka thla a phang changin,Nangmaah inhnem hlak ka tih.

4.

A thu ka suong Pathien ngei chu,Ka ring Pathien a ni leiin,Tiin thlaphang ngai naw ningah;Hringmin iem mi law thei an ta?

5.

Ni tin ka tong an lakkawi a,Ka sietna ding an phier zing a;

6.

Kil tinah an mi'n chan r�k a,Ka chang dan po an enthlak a,Mi that chakin an kut a'n za.

7.

Hieng mihai hi ieng kong khomin,Aw Pathien, hla tawl der naw la,I lungsenin tukdol tawl rawh.

8.

Ka'n rum ri hi inchik vong la,Ka mitthli luonghai daw khawl rawh.kIengkim i'n chik vong an naw maw?

9.

Ka ko pha che, ka hmelmahai,Tukkhum sonin tlan sieng an ta,Chu pha chun ka kuom tieng Pathien,A thang ngei ti hre tang ka tih.

10.

Kei chun Pathien thu ka suong a,Kei chun LALPA thu ka suong a,

11.

Pathien ka ringsan tlat leiin,Tiin thlaphang ngai naw ningah.Hringmin iem mi law thei an ta?

12.

Ka thutiemhai kha aw Pathien,Hlenin lawmthu hril inthawina,I kuomah hung inhlan ka tih.

13.

Pathien hmaah, hringna varah,Dar ang ka leng ve theina din,Thina lakah mi san suokin,Ka'n sui thluk ding i mi veng hlak.

---

←  Psalms (56/150)  →