←  Psalms (26/150)  →

---

1.

LALPA, kan dikzie puong el rawh,Soisel bo nun ka hraw si a;LALPAA ringna ka'n nghat hi,Ieng lai khomin a'n hning ngai nawh.

2.

LALPA, fiein mi ensin la,Ka lungril ngaituona fie rawh.

3.

I hmangaina chuoi ngai lo chu,Ka hma thuoitu a ni zing a,I thutakah kal ka chawi zing.

4.

Hlemtu lai ka thung ve ngai nawh,Lemderhai ka pawl ngai bok nawh.

5.

Thil suol thawa pungkhawmhai hi,Ka theida zawng tak an ni a,Mi rilohai ka pawl ngai nawh.

6.

Poi hrim ka tawk ngai nawh, LALPA,I maicham bulah ka kun a,

7.

Zaihla remin lawmthu ka hril,I thilmak thawhai ka puong hlak.

8.

LALPA i chengna ka ngaihlu,I ropuina umna hmun chu.

9.

Mi suolhai i lakhmang ruolin,Ka thlarau la hmang ve naw la,Tuolthathai ruolin ka hringnun,Mi la hmangpek ve naw hram rawh.

10.

Suol thaw di'n an kut a'n za a,An kut chang tieng thamna'n a sip.

11.

Kei chun soiselbo nun ka hraw,Lunginsietin mi san him rawh.

12.

Ka ngirna tuol zawlat hin,Nelvaipui pungkhawmhai hmaah,LALPA i hming inpak ka tih.

---

←  Psalms (26/150)  →