←  Psalms (22/150)  →
1. Ka Pathien, aw ka Pathien, Ieng dinga i mi zamsan am?Thangpui ngaia ka'n rum lai hin, Ieng leia mi'n hlat am i na?
2. Sunah ka ko che, ka Pathien,Sienkhom i mi don naw a,Zanah ka to thei bok si nawh.
3. Nang chu Mi Thienghlim i na,I lalthungphaah i'n thung a,Israelhan an inpak hlak che.
4. Kan pipuhan an ring che a, An ring lei che'n i san suok a,
5. An ko che a, i san him a;Nangmaah chun an innghat a,Muolphoin i siem ngai naw khah.
6. Kei ruok chu chokchawnal ang chauh,Mihriem laia khom zel tlak lo,Mi biek rawp le endong ka nih.
7. Mi hmu photin an mi nuisaw,An lu thin a, mi'n sietkhumin:
8. "LALPAA innghat mi a na,Aman hung san suok raw se chu;Ami ditzawng hlak mi annawm,Hung san suok raw se chu!" an tih.
9. Sula inthok mi la suokin,Ka nu tanga kan bei angin,I tangah i mi'n beitir a,
10. Ka hung pieng thlaka inthokin,Nang chauh hi ka'n nghatna i na;Ka nu sula inthok reng khan, Nang chauh hi ka Pathien i nih.
11. Buoina a hnai, mi'n hlat naw rawh, Santu tu dang khom ka nei nawh.
12. Bawngchal huoiin an mi'n huol vel,Basan bawngchal kol tak hai chun;
13. Sakeibaknei hnukrawl angin,Bau sen huouin an mi'n ngur khum.
14. Tui bun thlak ang ka ni tah a,Ka ru le chang a'n pelsol zo,Ka lungril hlak khuoihlu angin,Ka sungah a'n tui ral zo tah.
15. Pil bel koi har angin ka dangm,Inhilin a char zo ta a,Ka dangah ka lei a kop a,Thina vutah i mi'n buoltir.
16. Uichohan an mi kil tuou a,Mi suol honin mi'n huol velin,Ka kut le ke an sun chor chor.
17. Ru khat ringot ka ni tah a,nDiriem takin an mi endong.
18. Ka silfenhai an insem a,Ka zakuo di'n thum an vawr ie.
19. LALPA, nang chun mi'n hlat naw la,Aw ka Hratna, mi san dingin,Hung inthok inhmaw ta raw khai!
20. Kawlhnam lakah mi hung san la,Aw ka hringna hlu tak el hi,Uichohai laka hin hum rawh.
21. Keipui bau a'nthok mi hum la,Tumpang ki zum a'nthok khomin.
22. Unauhai lai i hming hrilin,Pungkhawmnaah inpak ka che.
23. LALPA tituhai, inpak ro, Jakob thlahai, chawimawi seng ro!Israel thlahai, inza ro.
24. Sirdena tuor a diriem nawh,Ama chu a tirdak bok nawh,A lakah a hmel thup loin,Thangpui a ngenin a ngaithlak.
25. Pungkhawm ropuihai hmaa chun,Nangma inpak ka ti che a,Nangma tituhai hmaa chun,Ka thutiemhai hlen bok ka tih.
26. Retheiha'n tlai takin fa sien,LALPA zongtuhan inpak sien-An lungril dam kumkhuo raw se.
27. Hnuoi kil tinah LALPA hrein,A kuom tieng hung kir nawk an ta,A hmaah hnam tinhai kunin,Ama chu hung chawibiek an tih.
28. Lalna chu LALPA ta a na,Hnam tin chungah ro a rel hlak.
29. Hnuoi hausakna tlantu po po,A hmaa chun hung kun an ta,Inchawm hring zo ve lohai lePilvuta kir el dinghai khom,A hmaah la kun vong an tih.o
30. Thangtharhan a rong bawl an ta,An thlahai lai khom LALPA thu,La hung hril zui pei bok an ta,
31. A mihai a san suok dan hi,Thang la thar peihai kuoma khom,Hrilin la hung um pei a tih,A thawpek tawl takzet si a.
←  Psalms (22/150)  →