←  Psalms (132/150)  →

---

1.

Davida hre zing rawh, LALPA,A rinum tuorhai po po khom.

2.

LALPA kuomah thu a'n kham a,Jakob Mi Hrat ngei kuoma khan:

3.

"Ka inah inlawi nawng ka ta,Ka khuma khom kai bok naw ning;

4.

Ka mit hrim insim nawng ka ta,Zanmu khom tuo hrim hrim naw ning,

5.

Jakob Mi Hrat LALPA chengna Hmun ding ka hmu hmakhat chu" ti'n.

6.

Ngai ta, Efrata-ah kan hriet a,Jaar phulah kan va hmu tah.v

7.

"A umnaah chun feng ei ta,A ke bulah chawibiek ei tiu!".

8.

Aw LALPA, tuhin hung tho la, I chawlna dinga chun hung rawh,I thilthawtheina Bawm le chun.

9.

I thiempuhaiin silfenah,Indikna thuom inbel hai sien,I mi thienghlimhai chun lawmin,Hlimna hla mawi rem raw hai se.

10.

I siehlaw Davida zarin,I hriek nal hi hnawl lul naw rawh.

11.

David kuomah LALPA a'n kham,A thu chu sut ta ngai naw nih:"I thlahai laia pakhatin,I lalthungpha hung hluong a tih-

12.

I nauhan ka thuthlung le dan,Ka'n chuktirhai an zawm phot chun;An nauhan hung hluo pei an ta,Kumkhuon inlal an tih" a tih.

13.

LALPAN Zion tlang a thlang a,A chengna hmun di'n a dit a:

14.

"Hi hi ka kumkhaw chawlna ding,Cheng zingna dinga ka dit chu.

15.

Fak le dawnah malsawm ka ta,Pasiehai khom hrai tlai ka tih.

16.

A thiempuhai chun silfenah,Sandamna thuom inbel an ta,A mi thienghlimhai chun lawmin,Hlimna hla mawi chu rem an tih.

17.

Chutaka chun Davida ta di'n,Ki hung indawn suoktir ka ta,Ka hriek nal ta dingin khawnvar,wChu taka chun inthut ka tih.

18.

A hmelmahai chu sukzakin,Muolphonan inthuomtir ka ta,Ama khum lallukhum ruok chu,Suktlepek zing ka tih" a tih.

---

←  Psalms (132/150)  →