| ← Psalms (111/150) → |
| 1. | Haleluia,Mi ngilhai inkhawmnaah,Mipui pungkhawmna hmunah,LALPA chu ka theitawpin,Inpakin chawimawi ka tih. |
| 2. | LALPA thilthaw ropuizie,Ama lawmtu taphot chun,Ngaituon an sui chik rop hlak. |
| 3. | A thilthawhai a ropui,A mawiin inza a um,A felnan chatuon a dai. |
| 4. | Thilmak a thaw nasan khom,Ei hriet a dit lei a nih.LALPA chu mi tlai a na,Lungsietnaa sip a nih. |
| 5. | Ama tituhai kuomah,Fak ding iengkim a pek a,A thuthlung kumkhuon a hriet. |
| 6. | A thil thaw theiziehai chu,A mihai an entir a,Hnam dang ram an rochungtir. |
| 7. | A thilthawhai hrim hrim chu,A ringumin a'n dik a,A thupek ringtlak a nih. |
| 8. | Kumkhawtluongin a nghet a,Ringumna le indikna, Hmanga pek an ni si a. |
| 9. | A mihai a hung intlan,Kumkhuoin thu a thlung nghet;A hming thienghlim a rapum. |
| 10. | LALPA ti chu varna bul,l A thu zawmtu taphot chu,Hriet thiemna tha a pek hlak.Chawimawina chu kumkhuoin,Ama ta a ni si a. |
| ← Psalms (111/150) → |