←  Psalms (101/150)  →

---

1.

I hmangaina le indikna,Inpakin zai hla sak ka ta,LALPA, zaiin inpak ka che.

2.

Soisel boa nung thei dingin,Fimkhur takin kal chawi ka tih. Iengtik am mi hung kan i ta?Dem kai lo lungril chu putin,Ka insungah khawsang ka ta;

3.

Thil tha naw tieng pangah hrim hrim,Ka mit inlen ngai naw ningah.Ringduophai thilthaw hrim hrim chu,Ka theida zawng tak a ni a,An mi'n koppui ka phal bok nawh.

4.

Mi lungril kawihai hrim hrimin,An mi hung hnaih ka nuom naw a,Thil suol leh inkop thei naw ning.

5.

A ruka venghai dem ching chu,An bauhai kharpek hmak ka ta;Meng sang le lungril chapohai, Ka ngai thei zawng mi an ni nawh.

6.

Ram sunga mi ringumhai chu,Ditsak takin cheibawl ka ta,Ka kuomah inchengtir ka ta,Soisel boa kalchawihai chu,Ka rongbawltuin hmang ka tih.

7.

Tu khom mi hlem hmang hrim hrim chu,Ka insungah cheng naw ni hai;Tu khom khelhril hmang hrim hrim chu, Ka bula um phal bok naw ning.

8.

A ram sunga mi suolhai chu,Tuk tinin hmet dei tawl ka ta,LALPA khawpuia inthokin,Suol thaw chinghai hnot suok ka tih.

---

←  Psalms (101/150)  →