| Psalms (1/150) → |
| 1. | Mi suolhai remruot zui ngai lo, Mi suolhai lampui hraw ngai lo,Hmusittu lai thung ngai lo chu,Mi hamtha a va ni ngei de! |
| 2. | A lawmzawng LALPA dan a na,Sun le zanin a dawnkhawl hlak. |
| 3. | Tui luong zingna kama thing phun,A hun taka ra insuo hlak,A hna vuoi ngai lo ang a nih.A thilthaw phot a hmuingil hlak. |
| 4. | Mi suol ruok chu an ni ve nawh,Thli len dar bu si ang an nih. |
| 5. | Chuleiin rorelna hmaah,Mi rilo dingchang naw ni a,Mi felhai inthung khawmnaah,Hmun chang ngai hrim hrim naw ni hai. |
| 6. | Mi fel kalchawina lam tin chu,LALPAN a vengpek zing hlak a,Mi rilo lampui hraw ruok chu,Bohmangnain a tawp hlak si. |
| Psalms (1/150) → |