| ← Proverbs (17/31) → |
| 1. | Sungkuo inhal puma ruoipui the nekinInngei taka bu thing ring a tha lem. |
| 2. | Muolpho taka khawsatu nau chungah,Siehlaw var chun ro rel a ta,Unau laia mi angin pa ro chang veng a tih. |
| 3. | Tangkaruo le rangkachak chu thukah,Meia an raw thienghlim hlak angin,LALPAN mihriem lungril a fie hlak. |
| 4. | Mi rilo chun hmur khelhlip a ngaithlak a,Mi khelhlip chun hrilsietna thu a bengkhon hlak. |
| 5. | Pasiehai hmusittu chun anni Siemtu a hmusit a,Mi sietna diriemtu chun hremna pumpel top naw nih. |
| 6. | Tu le tehai hi upahai lallukhum an na,Nauhai ropuina chu an nu le pahai an nih. |
| 7. | Thu hril thiem le mi invet an inhme naw a,Roreltu bau le khel an inhme naw nawkzuol. |
| 8. | Thamna hi a petu chun dawi angin a ngai a,A lekna tieng tieng hlawtlingin a ngai hlak. |
| 9. | Mi khingtu ngaidam hi ngainat hlawna a na,Bau suktam ruok chu ruol sukthena a nih. |
| 10. | Mi invet voi za vuok nekin,Lungvar nei voi khat zil a hlawk lem. |
| 11. | Mi suol chun hel dan ngot a zong a,A kuomah thuneitu nunrawng tir an tih. |
| 12. | Invetin thil invet a thaw lai tong nekin,A te lakpek savom le intuok a tha lem. |
| 13. | Suola thatna thungrultu insung chu, Thil tha loin cheng chil a tih. |
| 14. | Inhal hi tuiting inthe ang a na,A buoi zuol hmain inhal ma rawh. |
| 15. | Mi suol thiem inchangtir a,Mi tha thiem naw inchangtir hi,LALPAN a tirdak ve ve a nih. |
| 16. | Mi invet kuta sum um chu iem a tangkaina?Lungril boin varna a'n chawk thei ding maw? |
| 17. | Ruol chun ieng lai khom a mi hmangai zing a,Laibunghai chu mangang huna dinga pieng an nih. |
| 18. | Mi leibat mawphurtua insiem a,Tuolbawm ta dinga dakhama thang chu,Thil invetthlak tak a nih. |
| 19. | Inhal ching mi chun suol a ngaina a,Kotkhar insang bawltu chun sietna a fiel a nih.c |
| 20. | Lungril kawi chu a hmuingil ngai naw a,Lei khelhlip chu buoinaah a tlu lut hlak. |
| 21. | Nau invet chu lungngaina intluntu a na,A chungah a pain lawmna hrim a nei nawh. |
| 22. | Lungril hlim hi damdawi tha tak a na,Lungril ngui chun ru le chang a suktawl. |
| 23. | Mi rilo chun arukin thamna a lak a,Indik takin ro a rel thei nawh. |
| 24. | Lungvar nei chun varna a hnot zing a,Mi invet chun kil le kapah mit a'n len hlak. |
| 25. | Nau invet chun a pa a sukbeidong a,A hringtu a nu lung a sukrim hlak. |
| 26. | Poi tawk lo mi lei inchawitir a'n dik naw a,An ringum leia milien hrem a'n dik bok nawh. |
| 27. | Hrietna nei mi chu a tong fimkhur a,Hrietthiemna nei mi chu a dei dap hlak. |
| 28. | Mi invet khom a to chun var a hlaw a,A lei a veng lem chun mi vara ngai a ni hlak. |
| ← Proverbs (17/31) → |