| ← Micah (3/7) → |
| 1. | Chu zoah hieng hin ka hril a:"Jakob sungkuoa lukhaituhai, ngai ro,Israel sungkuoa roreltuhai, ngai roRo rel dan in hriet a tha naw maw? |
| 2. | Thil tha theidain, thil suol in dit a,Ka mihai vun in hikpek a,An ru-a taksa in huot thlak a; |
| 3. | Ka mihai taksa in fak a,An vun in hik thlakpek a,An ru in vuok tliekpek a;Thlengah an sa in chan dar a,Bela suong dingin in chan nawi" tiin. |
| 4. | Chu zoah LALPA chu ko an ta,Sienkhom lo don tawl naw nih.Chu pha chun an suol thawhai leiin,An lakah a hmai lo thup a tih. |
| 5. | LALPA chun hieng hin a tih:"Ka mihai hlemtu zawlneihan,Thil pek ding neihai kuomah,Thlamuongna thu an puong a,Pek ding nei nawhai ruok chu,An lo vauh khawng el hlak si. |
| 6. | Chuleiin zan thimin nang a ti cheu a,Inlarna hmu naw ti niu;Thimnain bawm a ti cheu a,Ai khom san thei naw ti niu.Zawlneihai ni chu tlang a ta,An sun chu zan inchang a tih. |
| 7. | Hmutheitu chu inzak a ta,Aisanthiem chu muolpho a tih.Pathiena inthoka donna,A um ta si naw leiin,Inzakin hmai hup an tih" tiin. |
| 8. | Nisienlakhom kei ruok chu,Jakob bawsietna puong ding leIsrael suolna inhriettir dingin,LALPA Thlarau thilthawtheina,Rorel indikna le hratna chun,Inthuom sipin ka um si a. |
| 9. | Jakob sungkuoa lukhaituhai,Israel sungkuo chunga roreltuhai,Rorelna indikhai pal zut a,Dikna tinreng chokchawrawituhai,Ka thil hril hi lo ngaithla ro. |
| 10. | Zion chu thisenin in bawl a,Jerusalem chu ritlonain. |
| 11. | Hotuhan tham beiseiin ro an rel a,Thiempuhan hlaw beiseiin an zirtir a,Zawlneihan sum beiseiin ai an san a.Chuong sa khom chun anni chun,'Ei kuomah LALPA a um an naw?Sietnan mi nang naw nih' tiin,LALPA chungah an innghat chu! |
| 12. | Chuleiin, nangni lei tak hin,Zion chu lo anga inletin um a ta,Jerusalem chu tlu ram a ta,Tempul muol chu chimbuk bawm,Muol pawngah inchang a tih. |
| ← Micah (3/7) → |