←  Luke (19/24)  →
1. Isu chun Jeriko khuo a lut a, a sun pel ding a na.
2. Chu khuoa chun mi pakhat a hming Zakai a um a, ama chu siekhon hotu, mi hausa tak a nih.
3. Isu chu mi ieng ang hrim am a nih ti hmu a nuom a, a dung a tawi si leiin mipui lai chun a hmu phak naw a.
4. Chuongchun, Isu hungna ding lampuia chun a lo tlan khal a, en dingin theichang kungah a lawn a.
5. Chu hmun Isun a tlung chun a hang en a, "Zakai, hung tum vat rawh, voisun i inah ka tlung ding a nih" a ta.
6. Chuongchun a hung tum nghal a, hlim takin ama chu a'n tlungtir a.
7. Chu chu mipuiin an hmu chun an rengin, "Mi suol ina tlung dingin a lut ta saw!" tiin an chier a.
8. Zakai chu a ngir a, Lalpa kuoma chun, "Ngai ta, Lalpa, tuta inthok chu ka sum zatve pasiehai sem ka ta, tu thil khom indik lo taka ka lakpek chun a let liin rul ka tih" a ta.
9. Isun a kuomah, "Voisun hi ina hin sandamna a hung tlung tah, ama khom Abraham naupa a ni si a.
10. Mihriem Naupa hi bohmanghai zonga sandam dinga hung a ni hrim a nih" a ta.
11. Chu thu chu an ngaithlak laiin, Jerusalem an hnai ta lei le Pathien ram chu hung tlung nghal dinga mipuiin an ngai leiin hi tekhinthu hi a hril ta pei a.
12. "Muolkil mi tha pakhat chu a'n lal theina ding thu la ding le hung kir nawk dingin ram hla takah a fe a.i
13. A fe tawmin a siehlaw sawmhai chu a ko a, rangkachak tangka sawmj seng a pek a, an kuomah, 'Ka thang hmang sungin hi hin lo sumdawng ro' a ta.
14. A khuo le tuihai chun ama chu an theida leiin, 'Hi pa hi kan lal dingin kan dit nawh' ti dingin palai an tir zui ve nghal a.
15. "Lalna thu chu laa a hung kir nawkin a tangka pek chu an sukpung zat indon dingin a siehlawhai chu a ko tawl a.
16. A hmasa tak chu a hung a, 'Pu, i rangkachak tangka kha a let sawmin a pung' a ta.
17. A pu chun, 'Ka siehlaw ditum, i thaw tha ie. Thil chiteah i ringum leiin khaw sawm chungah hotuah um rawh' a ta.
18. A dottu chun, 'Pu, i rangkachak tangka kha a let ngain a pung' a ta.
19. Ama chun, 'Nang khom khaw nga chungah hotuah um rawh' a ta.
20. "Siehlaw dang chu a hung a, 'Pu, hih, i rangkachak tangka kha, puona funin ka kol tha a.
21. Mi khir tak i ni leiin ka ti che a; i sie nawnaa khom i lak hlak a, i tu nawnaa khom i sik hlak si a" a ta.
22. "A pu chun, 'Siehlaw suol, i bau suok ngeiin thiem naw a'n chang che. Mi khir tak ka na, ka sie nawnaa khom ka lak a, ka tu nawnaa khom ka sik hlak maw?
23. Chuong a ni sa chun ka tangka pek che kha a pung leh ka'n khawm theina dingin ieng dinga sumdawngna hmunah siein i lo sukhlawk naw?' a ta.
24. Chun, a kawla ngirhai kuoma chun, 'A rangkachak tangka kha lapek unla, rangkachak tangka sawm neitu kuomah pe ro' a ta.
25. Anni chun, 'Pu, ama chun sawm a nei annawm' an ta]k.
26. Ka hril cheu hi, a nei taphot pe belsang an ta, a nei naw chu a nei sun khom lakpek ning a tih.
27. Chun, hieng ka hmelma, lal dinga mi dit nawtuhai hi hung thuoi unla, ka hma bula ngei that ro' a ta" tiin a hril tawl a.
28. Chuong thu a hril zo chun Jerusalem an pan tung a, hma a lo lawk a.
29. Oliv tlanga um Bethphage le Bethani khuo an tlung tawmin zirtirhai laia mi pahnih a tir a.
30. "Ei hma zawna khuoa son va fe unla, in va lut chun sabengtung tuoi inthlung, tu khom la chuongna ngai lo chu va hmung in ta, sut inla, hung kei ro.
31. Chun, tu khomin, 'Ieng dinga in sut?' an ti chun 'Lalpan a mamaw a nih' ti ro" a ta.
32. Chuongchun, a tirhai chu an fe a, an kuoma a hril ang ngeiin an va hmu a.
33. Sabengtung an sut lai chun a neituhaiin. "Sabengtung kha iem a ta in sut el a?" an ta.
34. Anni chun, "Lalpan a mamaw a nih" an ta.
35. Isu kuom an hung kei tlung chun sabengtung chunga chun an puonhai an pha a, Isu an inchuongtir a.
36. A fena lampuia chun an puonhai an pha pei a.
37. Jerusalem an tlung tawm hnai, Oliv tlang an liem thlak lai chun a thilmak thaw tam tak hmua zuitu mipui tam tak chun hlim tak le inring takin Pathien an inpak a,
38. "Lalpa hminga lal hung chu A hamtha,
39. Mipui laia Farisai thenkhat chun Isu kuomah "Zirtirtu, i zirtirhai hi hal tawl rawh" an ta.
40. Ama chun, "Ka hril cheu hi, anni hi an to chun hieng lunghai bek hi khek suok an tih" a ta.
41. Jerusalem a tlung tawma khawpui a hmu chun a ta khum a.
42. "Aw nang hin voisun dam bek hin muongna hung intluntu ding che hi hrie chu ni la aw! Nisienlakhom tuhin chu i hmu thei lo dinga thup a ni si.
43. I ralhaiin i vela hnuoi kul siem a, sir tina inthoka ruongchaiche thlak khuma an dang chep ni che chu a la hung tlung ding a nih.
44. I sunga cheng i nauhai leh hnuoi dengnain la hmang an ti cheu. I sunga lung inthuo reng reng hla nei naw ni hai; Pathienin a hung kan lai che i hriet naw leiin chuong chu i chungah a la hung tlung ding a nih" tiin.
45. Tempula chun a va lut a, thil zortuhai chu a hnot suok a,
46. an kuomah, " 'Ka in chu tongtaina in ning a tih' ti ziek a na, nangni ruok chun suohmanghai pukah in siem lem si a" a ta.
47. Ni tin Tempula chun a zirtir hlak a, thiempu lalhai, Dan zirtirtuhai le vantlang hotuhai chun sukhlum dan ding an zong zing a.
48. Nisienlakhom, mipuiin a thu an ngaithlak nuom si leiin hang law ngaina rak an hriet si nawh.
←  Luke (19/24)  →