←  Isaiah (19/66)  →
1. Aigupta chungthua hril lawkna thu chu:En tu, sum hrat tak chunga chuongin,Aigupta panin LALPA chu a hung.Aigupta milemhai chu,A hmaah an inthin a,Aiguptahai lungril chu,A tui inzop el a nih.
2. "Aigupta miin Aigupta mi,Do dingin chok phur ka ta,Unau le unau, tuolbawm le tuolbawm, Khuo le khuo, ram le ramIndo tuong an tih.
3. An lungril hung zuoi a ta,An thil tum suktlol ka ta,An milemhai rawn an ta,Mithi thlarau rawn an ta,Aisanthiemhai rawn an ta,Rau ko thiemhai rawn an tih.
4. Hotu rawng le suol tak kutah,Anni chu pe suok ka ta,Lal kol takin hruol tawl a tih,"Lalpa, Iengkim LALPA chun a tih.
5. Vadung tui kang vong a ta,Va kam inhil bor bor a tih.
6. Tuilamhai hung thung a ta,Aigupta va hnar tui chu,Hung tlawmin kang vong a tih.Phairuong le tui hlohai chu,Vuoiin hung rop vong a ta,
7. Nile kam le a suo lai a,An thil chinghai po po chu,Hung tawlin hung rop a ta,Thliin len hmang vong a ta,Hmu ding hrim um ta naw nih.
8. Ngamantuhai tap an ta,Nile-a ngakuoi le len dengaFak zongtuhai po po chu,Beidongin inrum an tih.
9. Ziza khawnga fak zonghai chu,Beidong takin um an ta,Puon zai inhmi khawngtuhai chu,An beisei bo der a tih.
10. Pat thema inhlawhai chu,Lungzingin ngui tlep an ta,Inhlawfahai hrim hrim chu,An lungril lungngai a tih.
11. Zoan khaw thuoituhai chu,Invet um khawm ruol an nih;Faraw remruottu mi varhaiin,Thurawn hmang lo an pek a.Iengtin am Faraw kuomah,"Mi var pakhat ve ka na,Tien lai lalhai thla ka nih"An ti ngam hrim hrim a na?
12. Khaw lai am i mi varhai chu? Aigupta chunga Iengkim LALPAN,A thaw tum chu inentir che raw se!
13. Zoan khaw thuoituhai chu,An lo invet zo ta a,Memfis-a thuoituhai khom,Hlembawla um vong an nih;A mihai innghatna banha'n,Aigupta an thuoi hmang si.
14. LALPA chun an lu chungah,Lu haina thlarau a buok a;Zurui chu a luok bulah,A pai chon chon hlak angin,Aigupta thilthaw tinrengah,An infe suoltir vong a nih.
15. Mi hausa amanih rethei,Mi poimaw amanih poimaw lo,Tu khom ta din Aigupta chun,Thawpek thei a nei der nawh.
16. Chu ni chun Aigupta mihai chu nuhmei ang el ning an ta, Iengkim LALPAN kut a hlang khum an hmu chun tiin inthin hawp an tih.
17. An chunga tlung ding LALPA thu ruot lei chun Judai ram chu Aigupta mihai pangzat hung ning a ta, Juda hming an sam ringot khomin thlabar an tih.
18. Chu ni chun Aigupta rama khawpui pangahai chun Hebrai tong hmangin Iengkim LALPA chungah ringum dingin thu intiemkam an tih. Chuong laia khuo pakhat chu Heliopolis, Nisa Khawpuih ti a nih.
19. Chu ni chun Aigupta lailia chun LALPA ta dingin maicham um a ta, a ramria chun LALPA ta dingin lungphun um bok a tih.
20. Chu chu Iengkim LALPA ta dinga Aigupta rama inchikna le hrepuitu ning a tih. Neksawrtuhai leia LALPA an ko pha chun, sandamtu le humhimtu an kuomah tir a ta, ama chun anni chu san suok a tih.
21. Chuongchun, LALPAN Aigupta mihai kuomah ama inhriettir a ta, chu ni chun LALPA chu hung pom tang an ta, inthawina le thilpek inhlanin chawibiek tang an ta, LALPA kuomah thu tiem an ta, chu chu hlen bok an tih.
22. LALPAN Aigupta chu a sukdam theina dingin hripuiin hrem a tih. Chuongchun, Aigupta mihai chu LALPA tieng nghang an ta, an hnina chu lo ngaithlang a ta, sukdam tawl a tih.
23. Chu pha chun Aigupta le Asuria inkar chu lamlienin sun tlang tang a ta, Asuria mihai le Aigupta mihai chu insir paw thei tang an ta, Pathien pakhat chawibiek tlang ta bok an tih.
24. Israel ram chu an ram inzompui ni tang a ta, khawvel ta dinga malsawmna ning an tih.
25. Iengkim LALPA chun, "Ka mi Aiguptahai, ka kutsuok Assuria-hai, ka rochan Israelhai, mal ka sawm cheu ie" tiin mal a sawm tawl ding a ni si a.
←  Isaiah (19/66)  →