←  Hosea (9/14)  →

---

1.

Aw Israel, hlim naw rawh,Hnam danghai hlim khek angin,Lawmin hlim chiri naw rawh;I Pathien i uiresan a,Hrizawl tina i'n zorna man chu,I thil thlakhla tak a nih.

2.

Hrizawl le grep sawrna khurah,I khopkham hmu naw ti nih;Uoiin thar tlung bok naw nih.

3.

LALPA ramah cheng zing naw ti nih;Efraim chu Aiguptaah kir a ta,Asuria-ah fak thieng lo fang a tih.

4.

LALPA kuomah dawn thilhlan,Uoiin bun suok naw ni hai a,An thil inhlanah lawm naw nih.Ruokngha sa kiltu ang elin,An bu fa taphot porcheng an tih.Anni chauh fak ding a na,LALPA inah hung lut naw nih.

5.

LALPA kut nihai a tlung pha,Ieng am in thaw ta ding a na?

6.

Sietna an tlansan khomin,Aigupta'n ruong inhlawm a ta,Memfis-ah phum tawl an tih.An rothil tangkaruohai chu,Chimbukin bawm khum a ta,An puon in zarna hmunhai chu,Hlingin la bawm sip a tih.

7.

Hremna ni a hung tlung mek,Suol man intelna ni ding chu:Israelhai, lo hre ro khai.In bawsietnahai chu tamin,In helna hi a nasa em leiin,Zawlnei khom invetah in ngai a,Thlarau mi khom intlaw bilingah.

8.

Zawlnei chu, ka Pathien mi,Efraimhai ralvengtu a na,Sienkhom a fena taphotah,A awkna ding chang an kam a,Pathien inah an lo tai a.

9.

Gibea cheng lai ni ang khan,Porchena tieng an tla inthuk a,Pathienin an ritlona a hriet a,An suol leiin la hrem a tih.

10.

"Israel ka hmu tir khan,Thlalera grep hmu ang ka na,In thlatuhai ka hmu tir khan,Theichang lera a ra hmasa,A hmin tir hmu ang ka nih.Sienkhom Bal Peor an tlung chun,Milim inzapuium tak hmaah,An hung inhlan ve el ta a,An milim ngainathai ang bokin,Tirdakum an hung kai ve ta si.

11.

Efraim ropuina chu vate angin,A lo vuong hmang dai ta si a;Nau pieng um naw ni hai a, Nau von um naw ni hai a,Nau pai um bok naw ni hai.

12.

Naupang nei an ni khomin,An nauhai lu sun an ta,Dama hla hrim nei naw ning. Anni ka nghatsan pha chun,An chungpikna zuol a tih.

13.

Efraim chu Tura ang boka,Ram tha taka phun a nih.Sienkhom Efraim nauhai chu,That ding chaua a nei an nih.

14.

Aw LALPA, an ta dingin,Iem a na i thawpek ding chu?Nau insiet hlak sul pe la,Nene vuoi tui nei lo leh.

15.

"Gilgala an ritlonahai lei khan,Ka theida tawl ta hrim a;An thil suol thawhai leiin,Ka in a'nthok hnot suok ka ta,Hmangai zing ta nawng ka tih,An hotuhan an mi helsan si.

16.

Efraim hna a tlol zo a,A zung chen a vuoi zo a,Ra hrim insuo ta naw nih.Nau a hring a ni khomin,A nau dit em emhai chu,Keiman sukhlum tho ka tih."

17.

A thu an awi naw leiin,Ka Pathienin hnawl tawl a ta,Hnam tin lai vakvai an tih.

---

←  Hosea (9/14)  →