Hebrews (1/13)  →

---

1.

Pathienin kha hma khan zawlneihai hmangin kong hrang hrangin ei pi le puhai kuomah thu voi tam tak a hril hlak a.

2.

Tuta hun nuhnunga ruok hin chu eini kuomah Naupain thu a hung hril ta thung a. Ama chu iengkim chunga rohluotuah a ruot a, ama hmangin hnuoi le van a siem a.

3.

Ama chu Pathien ropuina var mawi le a zepui puttu a ni a, iengkim hi a thu thilthawtheina chun a tungding a, suol faina lampui a siem hnungin Chunghnungtak chang tieng khin a hang inthung tah a.

4.

Vantirkohai neka hming chunghnung lem daih hluotu a ni leiin anni nek daiin a ropui lem a nih.

5.

Vantirkohai lai tu kuom am,"Nang chu ka Naupa i nih,Voisun hin i P� ka ni tah" ti amanih,"A ta dingin P� ning ka ta,Ka ta dingin Naup� ning a tih"amanih a ti hlak a?

6.

Naulutir ruok chu khawvela a hung tir khan,"Pathien vantirko po poinAma chu chawibiek raw hai se"a ti a ni kha. Vantirkohai chungchang thu a hrilnaa chun,

7.

"Thli hi i tir palai an na,Van meichok i siehlaw an nih"a ta.

8.

Naupa thu a hril ruok chun hieng ang hin a ti thung a:"Aw Pathien, i lalthungpha chuKumkhuoin um zing a tih;Indikna lal hmol ngei chu.I ram lal hmol a ni si a;

9.

Felna chu i ngaina a,Suol tieng i theida leiin,Pathien, i Pathien ngei chunI ruolhai neka nasain,Hlimna hriek a nal ta che".

10.

Chun, hieng ang hin a ti nawk bok a:"A tirin hnuoi thut i phum a,Vanhai khom i kutsuok an nih.

11.

Sienkhom la thamral vong an ta,Nang ruok chu um kumkhuong i tih;Puon angin la chul an ta,Silfen angin la hnawl i ta,An rengin la bohmang an tih.

12.

Nang ruok chu i pangngai zing a,I kumin kin ni nei naw nih."

13.

Vantirkohai lai tu kuom am,"Ka chang tieng hin inthung rawh,I hmelmahai i ke sirsan a,Ka siem hma khat chun"a ti hlak a?

14.

Vantirko po pohai chu sandamna changtu dinghai rongbawltu dinga tir suok thlarau an ni naw am a ni?

---

Hebrews (1/13)  →