| ← Genesis (36/50) → |
| 1. | Esau, Edom tia ko bok thlahai chanchin chu hieng ang hi a nih. |
| 2. | Esau chun Kanan mihai nuhmeiah a nei a, chuonghai chu Hit mi Elon naunu Ada hai, Hiv mi Zibeon tunu, Ana naunu Oholibama hai, |
| 3. | Ismail naunu Basemat, Nebaiotc farnu hai an nih. |
| 4. | Ada chun Esau chu naupa Elifaz a neipek a, Besamat chun naupa Reuel a neipek a, |
| 5. | Oholibamah chun naupa Jeus, Jalam le Kora hai a neipek bok a. Hieng hai hi Esau naupahai, Kanan rama pienghai chu an nih. |
| 6. | Esau chun a nuhmeihai, a naupahai le a naunuhai, a ina mihai po po le a ran ruolhai le ran dang a nei po po hai, Kanan rama rosum a khawm po po hai chu somin, a sang Jakob umnaa inthoka ram hla reia chun a'n son a. |
| 7. | An thil neihai chu a tam ta em leiin umhmun khat zing thei an ni ta naw a, an ranhai tlatna dingin ram an indai ta bok nawh. |
| 8. | Chuongchun, Esau (Edom an ti bok) chun Seir tlangramah hmun a khuor tah a nih. |
| 9. | Seir tlangrama khawsa Esau, Edom mihai thlatu chanchin chu hieng ang hi a nih. |
| 10. | Esau naupahai chu, a nuhmei Ada lakah Alifaz a nei a, Basemat lakah Reuel a nei bok a. |
| 11. | Elifaz naupahai chu Teman, Omar, Zefo, Gatam le Kenaz an nih. |
| 12. | Esau naupa Elifaz chun hmei a nei a, a hming chu Timna a na, ama chun naupa Amalek a neipek a. Chuonghai chu Esau le a nuhmei Ada tupahai chu an nih. |
| 13. | Reuel naupahai chu Nahat, Zera, Sama le Miza an nih. Anni chu Esau le Basemat tuhai an nih. |
| 14. | Esau nuhmei Oholibama, Ana naunu le Zibeon tunu chun Esau chu naupa pathum Jeus, Jalam le Kora a neipek a. |
| 15. | Esau thla, lala um hai chu a nau lutir Elifaz naupa Teman hai, Omar hai, Zefo hai, Kenaz hai, |
| 16. | Kora hai, Gatam hai le Amalek hai an nih. Hieng lalhai hi Edom rama mi Elifaz thlahai an na, Esau nuhmei Ada tuhai a nih. |
| 17. | Esau naupa Reuel naupahai lala um chu Nahat, Zera, Sama le Miza an nih. Hieng lalhai hi Edom rama mi Reuel thlahai an na, Esau nuhmei Basemat tuhai an nih. |
| 18. | Esau le a nuhmei Oholibama laka pieng, lala umhai chu Jeus, Jalam le Kora an nih. Hieng lalhai hi Esau nuhmei Oholibama, Ana naunu thlahai an nih. |
| 19. | Chuonghai po chu Esau (Edom an ti bok) naupahai le lala umhai chu an nih. |
| 20. | Chun, hienghai hi Hor mi Seir nau pasal, a rama chenghai chu an nih: Lotan, Sobal, Zibeon, Ana, |
| 21. | Dison, Ezer le Disan. Edom mi Seir nau pasalhai hi Hor lalhai chu an nih. |
| 22. | Lotan naupahai chu Hori le Homam an nih. Lotan farnu chu Timna a nih. |
| 23. | Sobal naupahai chu Alvan, Manahat, Ebal, Sefo le Onam an nih. |
| 24. | Zibeon naupahai chu Aia le Ana an nih. Ana hi a nih thlalera a pa Zebeon sabengtunghai a veng laia tuikhur lum hmu suoktu kha. |
| 25. | Ana nauhai chu a naupa Dison le a naunu Oholibama an nih. |
| 26. | Dison naupahai chu Hemdan, Esban, Ithran le Keran an nih. |
| 27. | Ezer naupahai chu Bilhan, Zavan le Akan an nih. |
| 28. | Disan naupahai chu Uz le Aran an nih. |
| 29. | Hienghai hi Hor lalhai chu an nih: Lotan, Sobal, Zibeon, Ana, |
| 30. | Dison, Ezer le Disan. Chuong Hor lalhai chun Sier ramah an chi bing ang peiin lalna biel bik an nei seng a nih. |
| 31. | Israelhaiin lal an nei hmaa Edom rama lalhai chu hienghai hi an nih: |
| 32. | Beor naupa Bela chu Edom ramah lalin a um a, a khawpui hming chu Dinhaba a nih. |
| 33. | Bela a thi chun Bozraa mi Zera naupa Jobab chun lalna a hung hluo a. |
| 34. | Jobab a thi chun Temani rama mi Husham chun a hung thlak a. |
| 35. | Husam a thi chun Moab rama Midianhai hnetu Bedad naupa Hadad chun a hung thlak nawk a. A khawpui chu Avit a nih. |
| 36. | Hadad a thi chun Masreka mi Samla chun a hung thlak a. |
| 37. | Samla a thi chun tuipuid kama khuo Rehobot-a inthoka hung Saul chun a hung thlak nawk a. |
| 38. | Saul a thi chun Akbor naupa Baal-Hananin a hung thlak a. |
| 39. | Akbor naupa Baal-Hanan a thi chun Hadad-in a hung thlak a. A khawpui hming chu Pau a nih. Hadad nuhmei hming chu Mehetabel a na, ama chu Me- Zahab naunu Matred naunu a nih. |
| 40. | Hienghai hi an pahnam, an tlang hluo le an hming put dan ang peia Esau thlaa mi lala thunghai chu an nih: Timna, Alva, Jethet, |
| 41. | Oholibama, Ela, Pinon, |
| 42. | Kenaz, Teman,, Mibzar, |
| 43. | Magdiel le Iram. Chuonghai chu an tlang hluo ang dungzui peia Edom rama lalhai chu an nih. Edom mihai hnampa chu Esau a nih. |
| ← Genesis (36/50) → |