←  Amos (3/9)  →

---

1.

Aigupta rama inthoka ka hung thuoi suok, aw Israel sungkuohai, in chungthua LALPA soiselna cheu hi lo ngaithla ro:

2.

"Khawvela sungkuohai lai,Nangni chauh ka thlang cheu a,Chuleiin, in suolna po po lakah,Keiman ka hrem ding cheu a nih.

3.

An inthukop si naw chun,Mi pahni an intlon hlak am?

4.

A sase inhukpui loin,Ram hnuoiah sakeibaknei,A'n ngur hlak hrim am a ni?Sa se nei loin a pukah,Keipui an ngur hlaka maw?

5.

Chang an kam nawna hmunah,Vate a'n awk hlak am a ni?Awk ding um nawna hmunah,Chang an kam hlak hrima maw?

6.

Khawpuiah ralkhel tawtawrawt,An hung mut ruoi ruoi pha leh,Mi tin an ti hlak an naw?LALPA thu loin khawpuiah,Sietna a tlung hlak am a ni?

7.

A siehlaw zawlneihai kuomah,A thilthaw tum hril lawk loin,Chunghnungtak LALPAN ieng khom,A'n tlungtir ngai hrim hrim nawh.

8.

Sakeibaknei a'n rum ie,Tu am a na ti lo ding? Chunghnungtak LALPA a tong,Tu am hril sawng lo ngam ding?

9.

Asdod kul le Aigupta kulah,Hieng ang hin thu puong dar ro:"Samaria tlangah tlan khawm unla,Chu taka an buoi rapthlak dan leInpawngnekna tlung chu thlir ro.

10.

An thil rok le lakpekhai chu,An in ropuiah an bum hnur a,Thil indik thaw nachang hrie,Tu khom an um ta der nawh"Ti hi LALPA thu suok a nih.

11.

Chuleiin, Lalpa PATHIEN-inHieng ang hin a hril a nih:"Ram chu hmelman run a ta,Kulhai chu sukchim a ta,Lal inhai chu rok a tih."

12.

LALPA chun hieng hin a tih:"Sakeibaknei baua inthokaBeram mal pahni amanih,A nakawr pakhat amani bek,Berampun a'n chu thlak angin,Samaria le Damaska khuoa um,Khum kil le puonri hnuoia inbi,Israelhai chu sansuokin um an tih"c

13.

Lalpa PATHIEN, Iengkim LALPAN,Hieng ang hin a hril a nih:

14.

"Hi thu hi ngaithla unla,Jakob sungkuo hmaah puong ro:A suol leia Israel ka hrem ni chun,Bethela maichamhai sukchim ka ta,Maicham kihai suktliek ka ta,Hnuoiah tla zap neng nung a tih.

15.

An phalbi in le nipui inhai chu,A ruolin sukchim vong ka ta,An saiha inhai suksieng ka ta,In ropuihai chu sukram ka tih,"LALPA thusuok chun a tih.

---

←  Amos (3/9)  →