←  1Chronicles (6/29)  →
1. Levi naupahai chu Gerson, Kohat le Merari an nih.
2. Kohat naupahai chu Amran, Izar, Hebron le Uziel an nih.
3. Amran nauhai chu Aron, Mosie le Miriam an nih. Aron naupahai chu Nadab, Abihu, Eleazar le Ithamar an nih.
4. Eleazar chu Finehas pa a na, Finehas chu Abisua pa a nih.
5. Abisua chu Buki pa a na, Buki chu Uzi pa a nih.
6. Uzi chu Zerahia pa a na, Zerahia chu Meraiot pa a nih.
7. Meraiot chu Amaria pa a na, Amaria chu Ahitub pa a nih.
8. Ahitub chu Zadok pa a na, Zadok chu Ahimaz pa a nih.
9. Ahimaz chu Azaria pa a na, Azaria chu Johanan pa a nih.
10. Johanan chu Jerusalema Solomon tempul bawla thiempu sinthaw Azaria pa a nih.
11. Azaria chu Amaria pa a na, Amaria chu Ahitub pa a nih.
12. Ahitub chu Zadok pa a na, Zadok chu Salum pa a nih.
13. Salum chu Hilkia pa a na , Hilkia chu Azaria pa a nih.
14. Azaria chu Seraia pa a na, Seraia chu Jehozadak pa a nih.
15. Jehozadak chu LALPAN Nebukadnezzar kutaa Judai ram le Jerusalem khuoa mihai a pek lai khan salah an thuoi ve a.
16. Hienghai hi Levi naupahai chu Gerson, Kohat le Merari an nih.
17. Gerson naupahai chu Libni le Simei an nih.
18. Kohat naupahai chu Amram, Izar, Hebron le Uziel an nih.
19. Merari naupahai chu Mahli le Mushi an nih. Chuonghai chu an pahaia inthoka an sui dan anga Levi hnamhai chu an nih.
20. Gerson thlahai chu: Gerson naupa chu Libni, chu naupa chu Jehat, chu naupa chu Zima,
21. chu naupa chu Joah, chu naupa chu Ido, chu naupa chu Zera, chu naupa chu Jeatheral a nih.
22. Kohat thlahai chu: Kohat naupa chu Aminnadab, chu naupa chu Kora, chu naupa chu Asir,
23. chu naupa chu Elkana, chu naupa chu Ebiasaf, chu naupa chu Asir,
24. chu naupa chu Tahat, chu naupa chu Uriel, chu naupa chu Uzia, chu naupa chu Saul a nih.
25. Elkana thlahai chu: Amasai le Ahimot an nih.
26. Ahimot naupa Elkana a na, chu naupa chu Zofai, chu naupa chu Nahat,
27. chu naupa chu Eliab, chu naupa chu Jeroham, chu naupa chu Elkana, chu naupa chu Samuel a nih.
28. Samuel naupahai chu a nau lutir Joel le a dottu Abija an nih.
29. Merari naupa chu Mahli a na, chu naupa chu Libni, chu naupa chu Simei, chu naupa chu Uza,
30. chu naupa chu Simea, chu naupa chu Hagia, chu naupa chu Asaia a nih.
31. Hienghai hi LALPA ina Thuthlung Bawm an sie hnunga rimawi remtu dinga Davidan a ruothai chu an nih.
32. Solomonin Jerusalema LALPA tempul a bawl hma po chun anni hin biekbuka Intuokna Puon in hmaah rimawi an rem hlak. Anni rongbawl dan dinga ruota um angin rong an bawl hlak.
33. Hienghai hi an nauhai le chu taka rongbawltuhai chu an nih: Zaipawl pakhat thuoitu lu tak chu Heman a nih. Ama chu Joel naupa a na, ama chu Samuel naupa,
34. ama chu Elkana naupa, ama chu Jeroham naupa, ama chu Eliel naupa, ama chu Toa naupa,
35. ama chu Zup naupa, ama chu Elkana naupa, ama chu Mahat naupa, ama chu Amasai naupa,
36. ama chu Elkana naupa, ama chu Joel naupa, ama chu Azaria naupa, ama chu Zefania naupa,
37. ama chu Tahat naupa, ama chu Asir naupa, ama chu Ebiasaf naupa, ama chu Kora naupa,
38. ama chu Izar naupa, ama chu Kohat naupa, ama chu Levi naupa, ama chu Israel naupa a nih.
39. Heman chang tienga thang zaipawl thuoitu dang chu Asaf a na, ama chu Berekia naupa a na, ama chu Simea naupa,
40. ama chu Mikael naupa, ama chu Baaseia (Maaseia) naupa a na, ama chu Makija naupa a na,
41. ama chu Etni naupa a na, ama chu Zera naupa a na, ama chu Adaia naupa a na,
42. ama chu Ethan naupa a na, ama chu Zima naupa a na, ama chu Simei naupa a na,
43. ama chu Jahat naupa a na, ama chu Gerson naupa a na, ama chu Levi naupa a nih.
44. Heman voi tienga thang zaipawl thuoitu chu Merari hnama mi Ethan a nih. Ethan chu Kishi naupa a na, ama chu Abdi naupa a na, ama chu Maluk naupa a na,
45. ama chu Hasabia naupa a na, ama chu Amazia naupa a na, ama chu Hilkia naupa a na,
46. ama chu Amzi naupa a na, ama chu Bani naupa a na, ama chu Semer naupa a na,
47. ama chu Mahli naupa a na, ama chu Musi naupa a na, ama chu Merari naupa a na, ama chu Levi naupa a nih.
48. An unau dang Levi hnama mihai chu Pathien biekna hmuna sin dang po po thaw dinga dande an nih.
49. Aron le a thlahai ruok chun Pathien siehlaw Mosien thu a lo pek tah angin, Hmun Thienghlim taka rongbawlna sin po po chu an chang a, maichamah pumraw thilhlan le inthawina rimtui inhlanin Israelhai ta dingin inremna an siem hlak.
50. Hienghai hi Aron thlahai chu an nih: Aron naupa chu Eleazar a na, chu naupa chu Finehas a na, chu naupa chu Abisua a na,
51. chu naupa chu Buki a na, chu naupa chu Uzi a na, chu naupa chu Zerahia a na,
52. chu naupa chu Meraiot a na, chu naupa chu Amaria a na, chu naupa chu Ahitub a na,
53. chu naupa chu Zadok a na, chu naupa chu Ahimaz a nih.
54. Hienghai hi Levi chihaiin hmun an khuorna dinga a ram sunga hmun an ruotpek dan chu a nih: Aron naupa Kohat hnama mihai chu thumvawra thlang hmasatu ding an ennaah a hmasa tak an ni angin,
55. Judai rama Hebron le a dai vela ran tlatna hmunhai chu an pek a.
56. A khaw huop china lohai le khawper po po ruok chu Jefune naupa Kaleb an pek a.
57. Chuongchun, Aron thlahai chana an pekhai chu: Hebron (inhumhimna khuo), Libna, Jatir, Estemoa,
58. Hilen, Debir,
59. Asan, Juta le Bet Semes le an se vela ran tlatna hmunhai chu a nih.
60. Benjamin hnamhai chana inthokin Gibeon, Geba, Alemet le Anathot khuohai le a dai vela ran tlatna hmunhai chu an pek bok a. Kohat hnam kuoma an pek po chu khaw sawm le khaw thum a nih.
61. Hieng baka hin Kohat thlahai chu Manase hnam zatve chanpuola inthokin khaw sawm an pek bok.
62. Gerson thlahai chu a chi hnam hnamin Isakar hnam chanpuol, Aser hnam chanpuol, Naftalia hnam chanpuol le Basan rama Manase hnam zatve chanpuola inthokin khuo sawm le pathum an pek a.
63. Merari thlahai chu a chi hnam hnamin Reuben hnam chanpuol, Gad hnam chanpuol le Zebulun hnam chanpuola inthokin khuo sawm le pahnih an pek a.
64. Chuong ang chun Israel thlahai chun Levi chia mihai chu chuong khuohai le ran tlatna hmunhai chu an pek a nih.
65. Juda hnam, Simeon hnam le Benjamin hnamhai khomin an chanpuola inthokin a hmaa khawpui hming hril tahai kha an pek a.
66. Efraim hnamhai chanpuola inthokin Kohat thlaa hnam thenkhatin khuo iemani zat an chang bok a.
67. Efraim tlang rama inthokin inhumhimna khawpui Sekem le a dai vel le Gezer,
68. Jokmeam, Bet Horon,
69. Aijalon le Gat Rimon khuohai le an ran tlatna hmunhai chu an pek bok.
70. Manase hnam zatve chanpuola inthokin Israelhai chun Kohat thlaa mi hmun la chang ve lohai chu Aner le Bileam khuohai le an ran tlatna hmunhai chu an pek bok a.
71. Gerson hnamhai an pek po chu: Manase hnam zatve chanpuola inthokin Basan rama Golan le Astarot khuohai le an ran tlatna hmunhai;
72. Isakar hnam chanpuola inthokin Kedes, Daberat,
73. Ramot le Anem khuohai le an ran tlatna hmunhai;
74. Aser hnam chanpuola inthokin Masal, Abdon,
75. Hukok le Rehob khuohai le an ran tlatna hmunhai;
76. le Naftalia hnam chanpuola inthokin Galili biela Kedesh, Hamon le Kiriathaim khuohai le an ran tlatna hmunhai a nih.
77. Levi chia mi hmun la chang lo Merari hnamhai an pek po chu: Zebulun hnam chanpuola inthokin Jokneam, Karta, Rimono le Tabor khuohai le an ran tlatna hmunhai;
78. Jordan ral, Jeriko sak tienga Reuben hnamhai chanpuola inthokin thlaler rama Bezer, Jaza,
79. Kedemot le Mephat khuohai le an ran tlatna hmunhai;
80. Gad hnam chanpuola inthokin Gilead rama Ramot, Mahanaim,
81. Hesbon le Jazer khuohai le an ran tlatna hmunhai a nih.
←  1Chronicles (6/29)  →