←  Psalms (67/150)  →

---

1.

Doonkoy jine bora se. I m'a doon da moolo beeri karyaŋ. Baytu no, dooni mo no.

2.

Irikoy ma gomni te iri se, a m'iri albarkandi mo. A ma naŋ nga moyduma ma kaari iri do haray. (Wa dangay)

3.

Zama i ma ni fonda bay ndunnya ra, Ni faaba mo ndunnya dumey kulu game ra.

4.

Ya Irikoy, dumey ma ni saabu, Dumey kulu ma ni sifa.

5.

Dumey biney ma kaan. I ma baytu te farhã sabbay se, Zama ni ga ciiti te dumey se da cimi, Ni ga ndunnya dumey daŋ fondo mo. (Wa dangay)

6.

Ya Irikoy, naŋ dumey ma ni saabu, Dumey kulu ma ni sifa.

7.

Laabo na nga nafa no. Irikoy kaŋ ga ti iri Irikoyo go g'iri albarkandi.

---

←  Psalms (67/150)  →