←  Psalms (3/150)  →

---

1.

Dawda wane no kaŋ a te waato kaŋ a zuru nga izo Absalom se.

2.

Ya Rabbi, ay ibarey tonton hal i si lasaabu, Borey kaŋ yaŋ goono ga tun ay gaa ga baa gumo.

3.

Boro boobo no goono ga ne ay fundo boŋ: «Gaakasinay kulu s'a se Irikoy do.» (Wa dangay)

4.

Amma, ya Rabbi, ni ya koray no ay se, Ni ya ay darza d'ay bina gaabandikwa mo no.

5.

Ay jinda no ay hẽ d'a Rabbi gaa, A tu ay se mo nga tondi hananta ra. (Wa dangay)

6.

Ay kani, ay jirbi, Ay mo hay, zama Rabbi goono g'ay kuru.

7.

Boro zambarey baayaŋ kaŋ n'ay windi nda gaaba, I humburkumay s'ay di.

8.

Ya Rabbi, tun! Ya ay Irikoyo, m'ay faaba! Zama ni n'ay ibarey kulu kar garbe gaa. Ni na laalakoyey hinjey bagu-bagu.

---

←  Psalms (3/150)  →