| ← Psalms (50/150) → |
| 1. | KAUN-O Koht, Wasa Lapalap, ketin poahngok ong sampah pwon, sang palimese lel palikapi. |
| 2. | Lingan en Koht kin dakerada wasa sang Saion, kahnimwo me lingan unsek. |
| 3. | Atail Koht kin ketido, ahpw sohte ketin sopeimwekid; mwowe kisiniei mwehl me wie mpwumpwul, a melimel kehlail me kapilpene. |
| 4. | E ahpw ketin malipe lahng oh sampah pwe en wia sounkadehdepen e pahn ketin kapwung sapwellime aramas akan. |
| 5. | E ahpw mahsanih, “Kumwail kapokonedohng ie nei aramas loalopwoat akan, irail me wiadahr inou ong ie sang ni ar meirong kan.” |
| 6. | Nanleng kan kin kalohki me Koht me pwung, oh pein ih me wia sounkopwung. |
| 7. | “Kumwail, nei aramas akan, kumwail rong, pwe I pahn koasoi; I pahn kadehdehiong uhk, Israel, ngehi me Koht, omw Koht. |
| 8. | I sohte kapwungohng uhk pwehki omw meirong kan, omw meirong isihs me ke kin wiahiong ie ahnsou koaros. |
| 9. | Ahpw I sohte anahne ale kouwol sang nan sapwomw kan, de kuht sang ni noumw pelin kuht kan. |
| 10. | Ngehi me naineki mahn en nanwel koaros oh pil kou kan me kin mihmiseli pohn dohl kid kan. |
| 11. | Ngehi me pil naineki menpihr en nan wehwe koaros, oh soangen mahn mour koaros me kin mi nansapw. |
| 12. | “Ma I men mwengehda, I sohte pahn peki rehmw kisin mwenge, pwe sampah oh audepe kan koaros iei ahi. |
| 13. | Ia duwe, ke lemehiong me I kin kang uduk en kouwol kan, de nim ntahn kuht kan? |
| 14. | Omw meirong ong Koht en kin mihmi ni kapingkalahngan, oh ke en patohwanohng Wasa Lapalap soahng kaoros me ke inoukidahr. |
| 15. | Likwerih ie ni ahnsou apwal; I pahn doareiukala, oh ke pahn kapinga ie.” |
| 16. | Koht ketin mahsanihong aramas suwed, “Dahme ke papahngkihda ei kosonned akan? Dahme ke papahngkihda ei kosonned akan? Dahme ke kapakapahrengki duwen ei inowo? |
| 17. | Ke suwediki I en kapwunguhkala; ke soikala ei kosonned akan. |
| 18. | Ni omw kin kilang lipirap emen, ke kin wiahkihla kompoakepahmw, oh ke kin werekiong aramas en kamwahl akan. |
| 19. | “Ahnsou koaros ke kin lokaia suwed; ke sohte kin peikasalki lokaia likamw. |
| 20. | Ke kin pein kedipahda riomw kan oh karaunmwahlih irail. |
| 21. | Ke wiadahr soahng pwukat koaros, ahpw I nennenlahte, ke ahpw kihkihong me I duwehte kowe. Eri met, I pahn kapwung ong uhk, oh kasalehiong uhk ni sansal. |
| 22. | “Kumwail me kin mwamwahlikin ie, kumwail rong ie, pwe ma soh, I pahn kamwomwkumwailla, oh sohte emen me pahn kak doareikumwailla. |
| 23. | Me kin meirongkihong ie kapingkalahngan, iei irail me kin waunekin ie; oh I uhdahn pahn doareirailla koaros me kin peikiong ie.” |
| ← Psalms (50/150) → |