Psalms (140/150)  

1. Maing KAUN, komw ketin kapitiehla sang aramas suwed; komw ketin sileiesang sounkam aramas akan.
2. Re kin koasoakoasone mehkot suwed ahnsou koaros, ahnsou koaros re kin kamwoarongehda aramas akan.
3. Lowarail kan kin rasehng lowen sineik me kin kemehla aramas; arail lokaia kan rasehng pwoisen en sineik.
4. Maing KAUN, komw ketin sileiesang manaman en aramas suwed kan; komw ketin sileiesang sounkam aramas akan me kin nannantihong pwe I en pwupwudi.
5. Aramas aklapalap kei wiadahr arail mehn lidipih ie; re koasoanedier arail lidip kan limwahnial pwe re en lidipihiehdi.
6. I ahpw patohwanohng KAUN-O, “Komwi me ei Koht.” Maing KAUN, komw ketin karonge ngilen ei pek sawas!
7. Maing KAUN, Wasa Lapalahpie, soundoarepei roson, komwi me ketin sinsilei ie ni ahnsoun mahwen.
8. Maing KAUN, komw dehr ketikihong aramas suwed kan dahme re kin anahne; komw dehr ketin mweidohng arail koasoandi kan en kin pweida.
9. Komw dehr ketin mweidohng ei imwintihti kan en powehdi; komw kupwure pwe ar widing kan en pwurehng irail.
10. Komw ketin kamwerediong pohrail mwoalus mwehl; oh re en lekdekiong nan ehu pwoahr loalen me re sohte kak kohda sang ie.
11. Irail kan me kin karaun likamw ong meteikan re en dehr kin pweida; oh me suwed en kin uhd kamwomwala sounkam aramas akan.
12. Maing KAUN, I patohwan ese me komw kin ketin doarehla pwung en me semwehmwe kan oh pwung en me paisuwedlahr akan.
13. Mehlel, aramas pwung kan pahn kapinga komwi; re pahn kin momour mwohn silangmwi.

  Psalms (140/150)