| ← Psalms (126/150) → |
| 1. | Ni ahnsou me KAUN-O ketin kasapahldohng kitail nan Serusalem, likamwete kitail ouraman! |
| 2. | Ia uwen atail kouruhr! Ia uwen atail koul oh ngisingiski atail peren! Mehn liki kan ahpw ndinda, “Wiepen nin limen KAUN-O rehrail me lapalap.” |
| 3. | Mehlel e ketin wiadahr soahng kapwuriamwei kei rehtail; ia uwen atail peren! |
| 4. | Maing KAUN, komw ketin kasapahlkitalahng nan uhdakato, duwehte keteu eh kin kasapahldohng pihl nan warawar en pihl me madada kan. |
| 5. | Irail kan me sengiseng nindokon arail kamwakamwarak, re en dolung wahnsapwarail pereperen! |
| 6. | Irail kan me sengiseng nindokon arail weuwa kohwei ar werentuhke kan re en koul oh ngisingiski peren ni arail pahn pwurodo, wa kohdo wahnsapwarail. |
| ← Psalms (126/150) → |