←  Psalms (121/150)  →

---

1.

I saradahng nahna kan; ia wasa me sawasepei pahn kohdo sang ie?

2.

Sawasepei pahn pwarodo sang rehn KAUN-O, me ketin kapikada nanleng oh sampah.

3.

E sohte pahn mweidohng ke en pwupwudi; silepomw sohte kin ketin seimwokla.

4.

Silepen Israel sohte kin ketin lusoi de seimwok!

5.

KAUN-O, iei ih me pahn ketin sinsileiuk; e kin ketiket limwahmw pwe en ketin apwalihiuk.

6.

Ketipin sohte pahn kauweiukala nin rahn, de maram nipwong.

7.

KAUN-O pahn ketin silehsang uhk soahng keper koaros; e pahn ketin sinsileiuk mehlel.

8.

E pahn ketin sinsileiuk ni omw kohwei oh kohdo, met oh pil kohkohlahte.

---

←  Psalms (121/150)  →