| ← 1Chronicles (14/29) → |
| 1. | Huchiin Tura kumpipa Hiramin David kiangah sawltak mite a sawla, sidar singte, suangsekmite, khutsiammite, in lamsak dingin. |
| 2. | Huan Davidin Israel tungah TOUPAN amah kumpipain a koihkipta chih a theia, a gam lah, a mi Israelte vangin, sangpi-a tawisangin a om ngala. |
| 3. | Huan Davidin Jerusalem ah jite tamsem a pi a: huchiin Davidin tapate leh tanute tamsem a suangta hi. |
| 4. | Huan hiaite Jerusalema a neih tate minte ahi; Sammu, Sobad, Nathan, Solomon; |
| 5. | Huan Ibhar, Elisua, Elpelet; |
| 6. | Huan Nogah, Nepek, Japhia; |
| 7. | Huan Elisam, Beeliad, Eliphelet. |
| 8. | Huan Philistia miten David Israel tengteng tungah kumpipaa thaunilh ahi chih a jak un, David zong dingin Philiastia mite tengteng a kuan tou ua: huan Davidin huai a jakin, amaute dou dingin a kuan kheta hi. |
| 9. | Huan Philistia mite a hong ua, Rephaim phaijang a tuamta uh. |
| 10. | Huchiin Davidin Pathian a donga, Philistia mite dou dingin ka kuan tou diam? amau ka khut ah na honpe diam? chiin. Huan TOUPAN a kiangah, Kuan touin; na khuta amau honpe ding ka hi ngala, a chi a. |
| 11. | Huchiin Baal-perzaim ah a hong tou ua, huan Davidin amau a thata; huchiin Davidin, Pathianin tui khak bangin ka khutin ka melmate a hihsia, a chi a. Huaijiakin huai mun min dingin Baal-perazim a sa uh. |
| 12. | Huan huailaiah a pathiante uh a nusia ua; Davidin thupiak a piaa, meiin a hal uhi. |
| 13. | Huchiin Philistiaten phaijang a tuam nawn lai uhi. |
| 14. | Huan Davidin Pathian thu a dong nawna; huan Pathianin a kiangah, Amau delh dingin na kuan tou kei ding: amau kihei mangsan inla, mulberi singte jawn takah amau sualin. |
| 15. | Huan hichi ahi dinga, mulberi singte dawna tai ging na jak chiangin; huai chiangin kidou dingin na kuan khe ding hi: Philistia mite honpi that dingin na maah Pathian lah a kuankheta ngala, a chi a. |
| 16. | Huan Davidin Pathianin amah thu a piak bangin a hiha: huchiin Gibeon akipan Gezer phain Philistia mite honpi a thatta uhi.Huan David minthanna gam tengtengah a pai khiaa; huchiin TOUPAN amah launa nam tengteng tungah a tungsak ta hi. |
| 17. | Huan David minthanna gam tengtengah a pai khiaa; huchiin TOUPAN amah launa nam tengteng tungah a tungsak ta hi. |
| ← 1Chronicles (14/29) → |