| ← Psalms (140/150) → |
| 1. | Ngikhulula, Nkosi, emuntwini omubi, ungilondoloze emuntwini olesihluku, |
| 2. | abaceba izinto ezimbi enhliziyweni, usuku lonke babuthanela izimpi. |
| 3. | Balola ulimi lwabo njengenyoka, ubuhlungu bebululu bungaphansi kwendebe zabo. Selah. |
| 4. | Ngilondoloze, Nkosi, ezandleni zomubi, ungivikele emuntwini olesihluku; abaceba ukuwisa inyawo zami. |
| 5. | Abazigqajayo bangifihlele umjibila, lezintambo, bendlala imbule eceleni kwendlela; bangibekela izithiyo. Selah. |
| 6. | Ngithe e Nkosi ni: Wena unguNkulunkulu wami. Beka indlebe elizwini lokuncenga kwami, Nkosi. |
| 7. | Jehova, Nkosi, mandla osindiso lwami, wembese ikhanda lami esukwini lwezikhali. |
| 8. | Ungavumeli, Nkosi, izifiso zomubi, ungaphumelelisi icebo lakhe elibi, hlezi baziphakamise. Selah. |
| 9. | Nge khanda labangihanqileyo, ububi bendebe zabo kabubembese. |
| 10. | Kakuthi amalahle atshisayo akhithikele phezu kwabo, ubawisela emlilweni, emigodini etshonayo, ukuze bangavuki. |
| 11. | Umuntu wolimi kangamiswa elizweni; umuntu olesihluku, ububi buzamzingela kube yikuwiswa kwakhe. |
| 12. | Ngiyazi ukuthi i Nkosi izasebenza udaba lohluphekayo, ilungelo labayanga. |
| 13. | Isibili abalungileyo bazalidumisa ibizo lakho; abaqotho bazahlala ebusweni bakho. |
| ← Psalms (140/150) → |