| ← Jeremiah (40/52) → |
| 1. | Ilizwi le Nkosi lafika kuJeremiya, uNebuzaradani induna yabalindi esemkhulule eRama; uJeremiya wayesiwe lapho ebotshiwe ngamaketane kanye labo bonke ababethunjwe eJerusalema lakoJuda, ababesiwa eBhabhiloni. |
| 2. | Induna yabalindi yamthatha uJeremiya, yathi kuye: I Nkosi, uNkulunkulu wakho, yakhuluma lokhu okubi ngalindawo; |
| 3. | I Nkosi isikulethile, yakwenza njengokutsho kwayo. Njengoba lonile e Nkosi ni, kalililalelanga ilizwi layo, ngakho-ke lokhu kulehlele. |
| 4. | Khangela, lamuhla ngiyakukhulula kulamaketane asezandleni zakho. Uba uthanda ukuya lami eBhabhiloni, ungahamba, ngizakulondoloza; kodwa uba ungathandi ukuya lami eBhabhiloni, ungahambi. Khangela, ilizwe lonke liphambi kwakho; hamba uye lapho obona ukuthi kuhle khona, lalapho othanda khona. |
| 5. | Uba uthanda, buyela kuGedaliya indodana kaAhikhamu, indodana kaShafani, emmisileyo inkosi yeBhabhiloni ukuthi abe ngumbusi wemizi yakoJuda, uhlale laye phakathi kwabantu; loba uye lapho othanda khona. Ngakho induna yabalindi yasimnika umphako lesipho, yamyekela ukuthi ahambe. |
| 6. | UJeremiya wasesuka waya kuGedaliya indodana kaAhikhamu eMizipa, wahlala laye labantu ababesele elizweni. |
| 7. | Kwathi zonke induna zamabutho ezazisegangeni kanye labantu bazo zisizwa ukuthi inkosi yeBhabhiloni ibekile uGedaliya indodana kaAhikhamu ukuba ngumbusi elizweni, lokuthi inikele kuye amadodana labesifazana labantwana, abangabayanga belizwe abangathunjelwanga eBhabhiloni, |
| 8. | baya kuGedaliya eMizipa, oIshmayeli indodana kaNethaniya, loJohanani indodana kaKareya, loSeraya indodana kaTanihumethi, lamadodana kaEfazi weNetofa, loJezaniya indodana kaMahakathi, bona labantu babo. |
| 9. | UGedaliya indodana kaAhikhamu, kaShafani, wafunga kibo labantu babo, wathi: Lingesabi ukukhonza amaKhaladiya. Hlalani elizweni, liyisebenzele inkosi yeBhabhiloni, kuzalilungela. |
| 10. | Khangela-ke, ina ngizahlala eMizipa ukulincengela kumaKhaladiya azafika kithi; kodwa lina vunani iwayini, lezithelo zasehlobo, lamafutha, likulondoloze ezitsheni zenu, lihlale emizini eliyiphetheyo. |
| 11. | Futhi, lapho wonke amaJuda ayekoMowabi leAmoni leEdoma lakwamanye amazwe esezwile ukuthi inkosi yeBhabhiloni itshiyile insali elizweni lakoJuda, yabeka uGedaliya indodana kaAhikhamu, kaShafani, ukuba ngumbusi. |
| 12. | Wonke amaJuda abuya endaweni zonke ayexotshelwe kuzo, eza elizweni lakoJuda, kuGedaliya eMizipa; avuna iwayini lezithelo zehlobo, zaba zinengi. |
| 13. | Kwathi uJohanani indodana kaKareya lazo zonke induna zamabutho ayesegangeni beza kuGedaliya eMizipa, |
| 14. | bathi kuye: Uyazi nje ukuthi uBhalisi inkosi yamaAmoni uthume uIshmayeli indodana kaNethaniya ukukutshaya empilweni yini? Kodwa uGedaliya indodana kaAhikhamu kabakholwanga. |
| 15. | UJohanani indodana kaKareya wasekhuluma loGedaliya eMizipa ensitha wathi: Ngivumela ukuba ngihambe, ngiyetshaya uIshmayeli indodana kaNethaniya, kungaziwa muntu. Uzakutshayelani empilweni, ukuze wonke amaJuda abuthene lapha ahlakazeke, kubhubhe insali koJuda? |
| 16. | Kodwa uGedaliya indodana kaAhikhamu wathi kuJohanani indodana kaKareya: Kawuyikwenza into enje, ngoba uqamba amanga ngoIshmayeli. |
| ← Jeremiah (40/52) → |