| Jeremiah (1/52) → |
| 1. | Amazwi kaJeremiya, indodana kaHilikhiya omunye wabapristi ababeseAnathothi elizweni lakoBhenjamini. |
| 2. | Ilizwi le Nkosi lafika kuye ensukwini zikaJosiya indodana kaAmoni, inkosi yakoJuda, ngomnyaka wetshumi lantathu wokubusa kwakhe; |
| 3. | lafika futhi ensukwini zikaJehoyakhimi indodana kaJosiya, inkosi yakoJuda, kwaze kwaba sekupheleni komnyaka wetshumi lanye kaZedekhiya indodana kaJosiya, inkosi yakoJuda, kwaze kwaba sekuthunjweni kweJerusalema enyangeni yesihlanu. |
| 4. | Ilizwi le Nkosi lafika kimi lisithi: |
| 5. | Ngingakakubumbi esiswini ngakwazi, ungakazalwa ngakwehlukanisa, ngakubeka umprofethi ezizweni. |
| 6. | Ngasengisithi: Hawu Nkosi Jehova! Khangela, angikwazi ukukhuluma ngoba ngingumntwana nje. |
| 7. | Kodwa i Nkosi yathi kimi: Ungatsho ukuthi: Ngingumntwana nje, ngoba kubo bonke engikuthuma kubo uzakuya, lakho konke engikulaya khona uzakukhuluma. |
| 8. | Ungabesabi, ngoba ngilawe ukukuvikela, kutsho i Nkosi. |
| 9. | I Nkosi yasiselula isandla sayo, yathinta umlomo wami, yathi kimi: Khangela, sengibekile amazwi ami emlonyeni wakho. |
| 10. | Ngiyakubeka lamuhla phezu kwezizwe laphezu kwemibuso, ukusiphuna lokudiliza, ukubhubhisa lokuchitha, ukwakha lokuhlanyela. |
| 11. | Ilizwi le Nkosi lafika kimi lisithi: Jeremiya, ubonani? Ngathi: Ngibona uswazwi lwe-alimondi*. |
| 12. | I Nkosi yasisithi kimi: Ubone kuhle, ngoba ngiyalilinda ilizwi lami ukuze ngilenze. |
| 13. | Ilizwi le Nkosi lafika kimi ngokwesibili lisithi: Ubonani? Ngathi: Ngibona imbiza ebilayo, ifulathele enyakatho. |
| 14. | I Nkosi yasisithi kimi: Okubi kuzaqubuka enyakatho, kubehlele bonke abakhileyo elizweni. |
| 15. | Ngoba khangela, ngiyabiza izizwe zonke zemibuso yenyakatho, kutsho i Nkosi; amakhosi azo azafika, wonke azamisa izihlalo zawo zobukhosi emasangweni eJerusalema, azingelezele imiduli yayo yonke, lemizi yonke yakoJuda. |
| 16. | Ngizabamemezelela izigwebo zami ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo. |
| 17. | Kodwa wena, bopha ukhalo lwakho, usuke, ukhulume kibo konke engikulaya khona. Ungabesabi, hlezi ngehlisele phezu kwakho ukwesaba phambi kwabo. |
| 18. | Ngoba khangela, ngikwenzile lamuhla waba njengomuzi obiyelweyo, lensika yensimbi, lemiduli yethusi, ukumelana lelizwe lonke, wonke amakhosi akoJuda, leziphathamandla zalo, labapristi balo, labantu balo. |
| 19. | Bazakulwa bemelene lawe, kodwa kabayikukwehlula, ngoba ngilawe ukukuvikela, kutsho i Nkosi. |
| Jeremiah (1/52) → |