| ← Isaiah (33/66) → |
| 1. | Maye kuwe ochithayo, kodwa ungachithwanga! Lowenza ngenkohliso, bengenzanga ngenkohliso kuwe! Lapho usuqedile ukuchitha, uzachithwa; lapho usucinile ukwenza ngenkohliso, bazakukhohlisa. |
| 2. | Nkosi, woba lomusa kithi, sikulindele; woba yingalo yabo ekuseni konke, losindiso lwethu ngesikhathi socindezelo. |
| 3. | Emsindweni wokuhlokoma abantu babaleka; ekuziphakamiseni kwakho izizwe zahlakazeka. |
| 4. | Lempango yenu izabuthwa njengo kubutha kwecimbi, njengokugijima kwentethe uzagijima phezu kwayo. |
| 5. | I Nkosi iphakeme, ngoba ihlala phezulu; igcwalise iZiyoni ngesahlulelo langokulunga, |
| 6. | lenhlakanipho lolwazi kuzakuba yikuqina kwezikhathi zakho, amandla ezinsindiso; ukwesaba i Nkosi kuligugu lakhe. |
| 7. | Khangela, amaqhawe abo azakhala ngaphandle; izithunywa zokuthula zizakhala inyembezi ngokubabayo. |
| 8. | Imigwaqo emikhulu ize, owedlula ngendlela kakho; wephule isivumelwano, udelele imizi, kananzi muntu. |
| 9. | Ilizwe liyalila lidangele; iLebhanoni ilenhloni iyabuna; iSharoni injengenkangala; njalo iBashani leKharmeli kuyakhithiza. |
| 10. | Khathesi ngizavuka, kutsho i Nkosi; khathesi ngizadunyiswa; khathesi ngizaphakanyiswa. |
| 11. | Lizakhulelwa ngamakhoba, beselizala izibi; umoya wenu, njengo mlilo ozaliqeda. |
| 12. | Njalo abantu bazakuba njengo kutshisiweyo kwekalaga; njeng ameva aqunyiweyo bazatshiswa emlilweni. |
| 13. | Zwanini, lina eli khatshana, engikwenzileyo; lani eliseduze, vumani amandla ami. |
| 14. | Izoni zeZiyoni ziyesaba, ukuthuthumela kubabambile abazenzisi. Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okulaphakade? |
| 15. | Yena ohamba ngokulunga, akhulume ngobuqotho, odelela inzuzo yezincindezelo, othintitha izandla zakhe ekubambeni isivalamlomo, ovala indlebe yakhe ekuzweni ngegazi, ocimeza amehlo akhe ukuze angaboni okubi; |
| 16. | yena uzahlala ezindaweni eziphakemeyo; izinqaba zamadwala zibe yesivikelo sakhe; isinkwa sakhe asinikwe; amanzi akhe athembeke. |
| 17. | Amehlo akho azabona iNkosi ebuhleni bayo; abone ilizwe elikhatshana kakhulu. |
| 18. | Inhliziyo yakho izazindla ngokwesabisa. Ungaphi umbhali? Ungaphi umlinganisi? Ungaphi obala imiphotshongo? |
| 19. | Kawuyikubona abantu abayiziqholo; abantu abenkulumo ejule okokuthi ungeyizwisise, abolimi olugagasayo ongeluqedisise. |
| 20. | Khangela iZiyoni, umuzi wemikhosi yethu emisiweyo; amehlo akho abone iJerusalema, indawo yokuhlala elokonwaba, ithente elingayikusuka, ozikhonkwane zalo esizasitshulwa phakade, kakuyikuqamuka leyodwa yezintambo zalo. |
| 21. | Kodwa lapho i Nkosi izakuba ngelobukhosi kithi, indawo yemifula, yezifula ezibanzi; umkolo olamaphini okugwedla ongahambi khona, lomkhumbi olamandla ongedluli khona. |
| 22. | Ngoba uJehova ungumahluleli wethu, uJehova ungumnikimthetho wethu, uJehova uyinkosi yethu, yena uzasisindisa. |
| 23. | Ingoda zakho ziyaxega; kaziyikuqinisa iqonde insika yazo yomkolo, zingeyelule iseyili; khona kuzakwabiwa impango yempango enengi, abaqhulayo baphange impango. |
| 24. | Lomhlali kayikuthi: Ngiyagula. Abantu abahlala khona bazathethelelwa iziphambeko. |
| ← Isaiah (33/66) → |