| ← Isaiah (19/66) → |
| 1. | Umthwalo weGibhithe. Khangela, i Nkosi igade eyezini elilejubane, izakuza eGibhithe; lezithombe zeGibhithe zizathuthumela phambi kwayo, lenhliziyo yamaGibhithe incibilike phakathi kwawo. |
| 2. | Njalo ngizacija amaGibhithe amelane lamaGibhithe, ukuthi alwe, lowo lalowo emelene lomfowabo, lalowo lalowo emelene lomakhelwane wakhe, umuzi umelene lomuzi, umbuso umelene lombuso. |
| 3. | Lomoya wamaGibhithe uzathululwa phakathi kwawo, njalo ngizaginya icebo lawo; babesebebuza izithombe zawo, labathakathi, labalamadlozi, labalumbayo. |
| 4. | Sengizavalela amaGibhithe esandleni samakhosi alukhuni; lenkosi elolaka izabusa phezu kwawo, kutsho iNkosi uJehova wamabandla. |
| 5. | Lamanzi elwandle azacitsha, lomfula wome utshe. |
| 6. | Lemifula izanuka yetshe, lezifudlana zeGibhithe zizacitsha; imihlanga lebhuma kubune. |
| 7. | Imihlanga ezifuleni, emilonyeni yezifula, lakho konke okuhlanyelweyo kwezifula kuzakoma, kuphetshethwe, kungabe kusaba khona. |
| 8. | Njalo abagoli benhlanzi bazakhala balile, labo bonke abaphosa ingwegwe zokuthiya inhlanzi esifuleni; labendlala imbule ebusweni bamanzi bazaphela amandla. |
| 9. | Labasebenzi ngefikalisi elicolekileyo labeluka okumhlophe bazakuba lenhloni. |
| 10. | Njalo bazachithwa e zisekel weni zayo, labo bonke abasebenza ngokuqatshwa bazadana emphefumulweni. |
| 11. | Isibili, iziphathamandla zeZowani ziyizithutha, iseluleko sabeluleki abahlakaniphileyo bakaFaro siyibuthutha. Litsho njani kuFaro lithi: Ngiyindodana yabahlakaniphileyo, indodana yamakhosi endulo? |
| 12. | Pho, bangaphi abahlakaniphileyo bakho? Yebo, ake bakutshele, kabakwazi lokho i Nkosi yamabandla ekucebileyo ngeGibhithe. |
| 13. | Iziphathamandla zeZowani sezibe yizithutha, iziphathamandla zeNofi zikhohlisiwe; bazaduhisa iGibhithe abazinsika zezizwe zayo. |
| 14. | I Nkosi ithulule umoya ophambeneyo phakathi kwayo; baduhise iGibhithe kukho konke ukwenza kwayo, njengodakiweyo ediyazela ekuhlanzeni kwakhe. |
| 15. | Njalo kakuyikuba khona umsebenzi weGibhithe okungawenza inhloko kumbe umsila, ugatsha loba umhlanga. |
| 16. | Ngalolosuku iGibhithe izakuba njengabesifazana; izathuthumela yesabe ngenxa yokuzunguza kwesandla se Nkosi yamabandla esizunguza phezu kwayo. |
| 17. | Lelizwe lakoJuda lizakuba yisesabiso eGibhithe; wonke ozakhuluma ngalo uzakwethuka yena ngokwakhe ngenxa yecebo le Nkosi yamabandla elicebileyo imelene layo. |
| 18. | Ngalolosuku kuzakuba lemizi emihlanu elizweni leGibhithe ekhuluma ulimi lweKhanani, lefungayo e Nkosi ni yamabandla. Omunye uzakuthiwa ngumuzi wokubhujiswa. |
| 19. | Ngalolosuku i Nkosi izakuba lelathi phakathi kwelizwe leGibhithe, lensika ye Nkosi emngceleni wayo. |
| 20. | Njalo izakuba yisibonakaliso lobufakazi be Nkosi yamabandla elizweni leGibhithe, ngoba bazakhala e Nkosi ni ngenxa yabacindezeli, njalo izathuma kubo umsindisi lomkhulu ozabakhulula. |
| 21. | Le Nkosi izakwaziwa kumaGibhithe; njalo amaGibhithe azayazi i Nkosi ngalolosuku, azakwenza umhlatshelo lomnikelo, afunge isifungo e Nkosi ni, a si khokhe. |
| 22. | Le Nkosi izatshaya iGibhithe, itshaye ibuye isilise; bazaphendukela e Nkosi ni, ezancengeka ngabo, ibasilise. |
| 23. | Ngalolosuku kuzakuba lomgwaqo omkhulu osuka eGibhithe usiya eAsiriya, ukuze amaAsiriya eze eGibhithe, lamaGibhithe eAsiriya; lamaGibhithe akhonze lamaAsiriya. |
| 24. | Ngalolosuku uIsrayeli uzakuba ngowesithathu leGibhithe leAsiriya, isibusiso phakathi komhlaba, |
| 25. | ezababusisa i Nkosi yamabandla isithi: Ibusisiwe iGibhithe abantu bami, leAsiriya umsebenzi wezandla zami, loIsrayeli ilifa lami. |
| ← Isaiah (19/66) → |