| ← Ezekiel (2/48) → |
| 1. | Lathi kimi: Ndodana yomuntu, sukuma ume ngenyawo, ngizakhuluma kuwe. |
| 2. | Lisakhuluma lami kwangena kimi uMoya; wangimisa ngenyawo zami; ngalilalela likhuluma, |
| 3. | lathi kimi: Ndodana yomuntu, ngiyakuthuma ebantwaneni bakoIsrayeli, esizweni esihlamukayo, esingivukelayo. Bona laboyise bonile kimi kuze kube lamuhla. |
| 4. | Lalesisizukulwana engikuthuma kiso silukhuni, kasizwa lapho usithi kiso: Nanka amazwi eNkosi uJehova; |
| 5. | bazakwazi ukuthi kukhona umprofethi phakathi kwabo loba belalela, loba bengalaleli, ngoba bayisizwe esihlamukayo. |
| 6. | Ndodana yomuntu, ungabesabi, ungawesabi lamazwi abo, lanxa usemeveni, uhlezi phezu kwabofezela. Ungawesabi amazwi abo, ungabesabi, ngoba bayisizwe esihlamukayo. |
| 7. | Uzakhuluma amazwi ami kibo, loba besizwa loba bengezwa; ngoba bayisizwe esihlamukayo. |
| 8. | Kodwa wena ndodana yomuntu, zwana engikutshoyo kuwe; ungabi ngohlamukayo njengalesisizwe esihlamukayo; vula umlomo wakho, udle engikunika khona. |
| 9. | Kwathi lapho ngibona, khangela-ke, isandla eselulelwe kimi siphethe umqulu wencwadi. |
| 10. | Sawutshombulula phambi kwami, wawubhaliwe ngaphakathi langaphandle amazwi okulila lokukhala lokububula. |
| ← Ezekiel (2/48) → |