| ← 2Kings (19/25) → |
| 1. | Kwasekusithi lapho inkosi uHezekhiya isizwile, yadabula izigqoko zayo, yazembesa ngelembu lesaka, yangena endlini ye Nkosi. |
| 2. | Yasithuma uEliyakhimi owayephezu kwendlu, loShebina umabhalane, labadala babapristi, bembeswe ngamalembu amasaka kuIsaya umprofethi indodana kaAmozi. |
| 3. | Basebesithi kuye: Utsho njalo uHezekhiya: Lolusuku lusuku lohlupho lolokusolwa lolokweyiswa; ngoba abantwana sebefikile ekuzalweni, kanti kakulamandla okubeletha. |
| 4. | Mhlawumbe i Nkosi uNkulunkulu wakho izakuzwa wonke amazwi kaRabi-Shake, inkosi yeAsiriya inkosi yakhe eyamthumayo, ukuthi aklolodele uNkulunkulu ophilayo; njalo izasola amazwi i Nkosi uNkulunkulu wakho ewezwileyo: Ngakho phakamiselani insali etholakeleyo umkhuleko. |
| 5. | Izinceku zenkosi uHezekhiya zasezifika kuIsaya. |
| 6. | UIsaya wasesithi kuzo: Lizakutsho njalo enkosini yenu: Utsho njalo uJehova: Ungesabi amazwi owezwileyo inceku zenkosi yeAsiriya ezingithuke ngawo. |
| 7. | Khangela, ngizafaka umoya kuyo, njalo izakuzwa ihungahunga, ibuyele elizweni layo; ngizayenza ukuthi iwe ngenkemba elizweni layo. |
| 8. | URabi-Shake wasebuyela, wafica inkosi yeAsiriya isilwa imelene leLibhina; ngoba wayezwile ukuthi isisukile eLakishi. |
| 9. | Kwathi isizwa ngoTirihaka inkosi yeEtiyopiya kuthiwa: Khangela, uphumile uku ya kulwa emelene lawe, yabuya yathuma izithunywa kuHezekhiya, isithi: |
| 10. | Lizakhuluma kanje kuHezekhiya inkosi yakoJuda, lithi: UNkulunkulu wakho omthembileyo kangakukhohlisi esithi: IJerusalema kayiyikunikelwa esandleni senkosi yeAsiriya. |
| 11. | Khangela, wena usuzwile ukuthi amakhosi eAsiriya enzeni kuwo wonke amazwe, ngokuwatshabalalisa. Wena-ke uzakhululwa yini? |
| 12. | Onkulunkulu bezizwe bazikhululile yini, obaba abazichithayo, iGozani leHarani leRezefi labantwana bakaEdeni ababeseTelasari? |
| 13. | Ingaphi inkosi yeHamathi, lenkosi yeArpadi, lenkosi yomuzi weSefavayimi, iHena, leIva? |
| 14. | UHezekhiya waseyemukela izincwadi esandleni sezithunywa, wazibala, wasesenyukela endlini ye Nkosi, uHezekhiya wayichaya phambi kwe Nkosi. |
| 15. | UHezekhiya wasekhuleka phambi kwe Nkosi, wathi: Nkosi, Nkulunkulu kaIsrayeli, ohlala phakathi kwamakherubi*, wena unguNkulunkulu, wena wedwa, wayo yonke imibuso yomhlaba; wena wenze amazulu lomhlaba. |
| 16. | Nkosi, beka indlebe yakho, uzwe-ke, Nkosi, vula amehlo akho, ubone; uzwe amazwi kaSenakheribi amthume ngawo ukuklolodela uNkulunkulu ophilayo. |
| 17. | Qiniso, Nkosi, amakhosi eAsiriya azichithile izizwe lelizwe lazo, |
| 18. | aphosela onkulunkulu bazo emlilweni; ngoba babengeyisibo onkulunkulu, kodwa bengumsebenzi wezandla zabantu, izigodo lamatshe; ngakho bababhubhisa. |
| 19. | Ngakho-ke, Nkosi Nkulunkulu wethu, ake usisindise esandleni sakhe, ukuze yonke imibuso yomhlaba yazi ukuthi wena uyi Nkosi uNkulunkulu, wena wedwa. |
| 20. | UIsaya indodana kaAmozi wasethumela kuHezekhiya esithi: Itsho njalo i Nkosi, uNkulunkulu wakoIsrayeli, ithi: Lokho okukhuleke kimi mayelana loSenakheribi inkosi yeAsiriya ngikuzwile. |
| 21. | Yileli ilizwi i Nkosi elikhulume mayelana laye: Intombi emsulwa, indodakazi yeZiyoni, iyakudelela, iyakuklolodela; indodakazi yeJerusalema inikina ikhanda ngemva kwakho. |
| 22. | Ngubani omeyisileyo wamhlambaza? Njalo uphakamisele bani ilizwi, waphakamisela amehlo akho phezulu? Umelene loNgcwele kaIsrayeli. |
| 23. | Ngesandla sezithunywa zakho uyeyisile iNkosi, wathi: Ngobunengi bezinqola zami ngenyuke indawo ephezulu yezintaba, inhlangothi zeLebhanoni. Ngizagamula imisedari yayo emide, l amafiri ayo akhethekileyo. Ngizangena endaweni yokuhlala yamaphethelo ayo, igusu leKharmeli yayo. |
| 24. | Mina ngagebha nganatha amanzi angaziwayo, langengaphansi yenyawo zami ngomisa yonke imifula yezindawo ezivinjelweyo. |
| 25. | Kawuzwanga yini ukuthi ngakwenza endulo, ngakubumba ensukwini zendulo. Khathesi ngikufikisile, ukuthi ube ngodiliza imizi ebiyelwe ngemithangala ibe zinqumbi zamanxiwa. |
| 26. | Ngakho abahlali bayo balezandla ezinfitshane, badanile balenhloni, ba njengo tshani egangeni lemibhida eluhlaza, utshani bempahla, lamabele ahanguliweyo engakami. |
| 27. | Kodwa ngiyakwazi ukuhlala kwakho lokuphuma kwakho lokungena kwakho lokungithukuthelela kwakho. |
| 28. | Ngenxa yokungithukuthelela kwakho, lokuthi umsindo wakho wenyukele endlebeni zami, ngizafaka umkhala wami emakhaleni akho, letomu lami endebeni zakho, ngikwenze ubuyele ngendlela oweza ngayo. |
| 29. | Lokhu-ke yisibonakaliso kuwe; lonyaka li zakudla okuzikhulelayo, langomnyaka wesibili umkhukhuzela wakho, kuthi ngomnyaka wesithathu lihlanyele livune, lihlanyele izivini lidle izithelo zazo. |
| 30. | Labaphephileyo bendlu yakoJuda abaseleyo bazaphinda bagxumeke impande phansi, bathele izithelo ngaphezulu; |
| 31. | ngoba kuzaphuma eJerusalema insali, labaphephileyo entabeni yeZiyoni; ukutshiseka kwe Nkosi yamabandla kuzakwenza lokhu. |
| 32. | Ngakho utsho njalo uJehova mayelana lenkosi yeAsiriya: Kayiyikungena kulumuzi, kayiyikutshoka umtshoko khona, kayiyikuza phambi kwawo ilesihlangu, kayiyikubuthelela idundulu maqondana lawo. |
| 33. | Ngendlela eyeza ngayo izabuyela ngayo, kayiyikungena kulumuzi, itsho i Nkosi. |
| 34. | Ngoba ngizawuvikela lumuzi ukuwusindisa, ngenxa yami, langenxa kaDavida inceku yami. |
| 35. | Kwasekusithi ngalobobusuku ingilosi ye Nkosi yaphuma yatshaya enkambeni yamaAsiriya izinkulungwane ezilikhulu lamatshumi ayisificaminwembili lanhlanu. Lapho bevuka ekuseni kakhulu, khangela, bonke babeyizidumbu ezifileyo. |
| 36. | Ngakho uSenakheribi inkosi yeAsiriya wasesuka wahamba wabuyela, wahlala eNineve. |
| 37. | Kwasekusithi ekhonza endlini kaNisiroki unkulunkulu wakhe, oAdrameleki loSharezeri amadodana akhe bamtshaya ngenkemba, bona babalekela elizweni leArarathi. UEsarihadoni indodana yakhe wasebusa esikhundleni sakhe. |
| ← 2Kings (19/25) → |