←  Zechariah (9/14)  →
1. Hadrak ram laka LALPA thu phurrit leh Damaska chunga in nghat tur chu: LALPA mit chu mite chungah leh Israel hnam zawng zawng chungah a fu si a.
2. Chumi ritu Hamah khaw chungah pawh; Tuira leh sidon pawh, an fin em avangin.
3. Tin, tura chuan kulhpui a in siama, Tangkaruate chu vaivut ang maiin a chhek a, rangkachak tha mi chu kawtthlera chhirhdiak ang maiin A chhek a ni.
4. Ngai rawh, LALPA chuan a ti tla ran ang a, Tuipuia a chakna a tichhia ang a, meia hal faiin a awm ang.
5. Askelon chuan a hmu ang a, a hlau vang; Gaza pawhin a hmu ang a, na a ti em em ang; Tin, Ekron chu a beiseina avang chuan a zak ang a, Lalber chu Gaza ata a boral ang a, Askelon chu luah in a awm lo ang.
6. Tin, Asdod-ah chuan falakho an cheng ang a, Philistia mite chapona chu kati boral ang.
7. Tin, an ka ata an thisen ka la bo ang a, An ha kar atangin an tenawmna ka la bo ang. Tin, anni pawh kan pathian tana awm chhun an ni ang a, Judai ramah chuan hotute pawh an la ni ang a, Ekron mite chu Jebus mite ang an la ni ang.
8. Tin, ka in chu sipai rual lakah ka veng ang a, Tumah an kal tlangin an let vel lo ang a. Hnehchhiahtu tumah an kal tlang tawh ngai lo ang: Ka mitin ka hmu tawh si a.
9. Aw Zion fanu, nasa takin hlim la; Aw Jerusalem fanu, au chhuak rawh; Ngai rawh, i lal i hnenah a lo kal e; Mi fel a ni a, hnehtu a ni; Inngaitlawm takin sabengtung chungah a chuang a, Sabengtung no chung ngeiah.
10. Tin, Ephraim lak ata tawlailir leh Jerusalem lak ata sakawr chu ka ti boral ang a, In dona thal ngul chu ka tan ang. Hnamte hnenah chuan remna thu a sawi ang a, A rorelna chu tuipui ata tuipui thlengin, Luipui atang chuan kawlkil thlengin a ni ang.
11. Nangma thu-ah pawh, i thuthlung thisen avangin Khuarkhurum tui awm lohna ata i mi tangte chu Ka rawn tir chhuak ang
12. Beiseina nei mitangte u, kulhpui ah chuan kir u la, vawiin ngeiah hian a leh hnihin Ka pe dawn che u tih ka puang a ni.
13. Juda chu ka thal ngul atan ka kuai a, thal ngulah chuan Ephraim ka vuah ta a ni, Aw Zion, Grik fate lakah i fate chu ka chawk tho ang a, Mi chak tak khandaih angah ka siam ang che.
14. Tin, LALPA chu an chungah a lang ang a, a thal chu kawlphe angin a chhuak ang. Tin, LALPA pathian chuan tawtawrawt a ham ang a, Chhimlam thawngaleivir nen a kal ang.
15. Sipaihote LALPA chuan anmahni a hum ang a. An ni chuan an hmelmate chu an ei zo vang a, Virvawm lungte pawh chu an rapbet tawh ang. An in ang a, uain rui ang maiin an bengchheng ang. Berhbu khat ang maiin an khat ang a, Maicham kil ang maiin.
16. Tin, LALPA An pathian chuan an ran rualte angin chung niah chuan anmahni a chhanhim ang; Lallukhuma lungte angin he ram chungah hian a chawisang dawn si a.A thatna te chu a nasain, a mawina te chu a va nasa em! Buhbalte chuan tlangvalte a tihlawhtling ang a, uain thar chuan nulate a tihlawhtling dawn si a.
17. A thatna te chu a nasain, a mawina te chu a va nasa em! Buhbalte chuan tlangvalte a tihlawhtling ang a, uain thar chuan nulate a tihlawhtling dawn si a.
←  Zechariah (9/14)  →