←  Zechariah (7/14)  →
1. Tin, heti hi a ni a, Lal Daria kum lina, thla kuana, Chislev ni li ni takah chuan Zakaria hnenah LALPA thu chu a lo thleng a.
2. Tin, Bethel mite chuan Sarezera leh regemeleka leh an mite an rawn tir a, LALPA khawngaihna chu an ngen a,
3. Sipaihote LALPA ina puithiamte hnenah leh zawlneite hnenah chuan an sawi a: Tun hma kum tam fea ka lo tih tawh thin angin mahni intihrangin thla nganaah chuan ka tap thin em ni ang? tiin.
4. Tah chuan Sipaihote LALPA thu chu ka hnenah a lo thleng a,
5. rama mi zawng awngte leh puithiamte hnenah chuan, Heng kum sawmsarih chhung meuh pawha thla ngana leh thla sarihnaa chaw in nghei a, in lungngaih thinte khan, ka hming a, keima hming meuha chaw nghei em in nih?
6. Tin, in ei a, in in pawhin nangmahni tan in ei a, in in mai a ni lo'm ni?
7. Jerusalem leh a vela khawpuite miin an luah khaha an hmuingil em em lai leh chhim lam leh ram phaite pawh miin an luah khah laia zawlnei hmasate hmanga LALPA thusawite kha in lo hre tawh tur a ni lo'm ni? tiin sawi rawh, a ti a.
8. Tin, LALPA thu chu Zakaria hnenah a lo thleng a,
9. Sipaihote LALPA chuan heti hian a sawi a ni: rorelna dik takin titlu u la, Mi tinin an unaute chungah zahngaihna leh Khawngaihna chhuah rawh se:
10. Hmeithai te emaw, fahrah te, mikhual te, Mi retheite emaw hnehchhiah hek suh u. Tumah rengin in thinlungah In unaute tana tha lo tur chu suangtuah suh u, tiin.
11. Mahse an ngaithla duh lo a, An tukkhum chhah an chhawn a, An hriat lohna'n an beng an chhu chhet a.
12. A ni, Sipaihote LALPA chuan Zawlnei hmasate kuta a thu thawn leh Dan thute chu An ngaihthlak lohna'n An thinlungte chu lung chang tak angin an tisak ta a; Chuvangin Sipaihote LALPA lak ata Thinurna nasa tak alo thleng ta a ni.
13. Tin, heti hi a lo ni a, anmahni a auh an ngaithla duh lo a, Chutiang bawkin an auin ka ngaithla bik lo ang, Sipaihote LALPA chuan a ti a.An mi hriat ngai loh zingah Thawngaleivirin anmahni ka tidarh zawk dawn a ni.Chutiangin an hnuah chuan tihtiau a ni tawh ang a, Tuma an veivak tawh lo vang, Ram nuam tak chu an titiau dawn ta si a.
14. An mi hriat ngai loh zingah Thawngaleivirin anmahni ka tidarh zawk dawn a ni.Chutiangin an hnuah chuan tihtiau a ni tawh ang a, Tuma an veivak tawh lo vang, Ram nuam tak chu an titiau dawn ta si a.
←  Zechariah (7/14)  →