←  Zechariah (6/14)  →

---

1.

Tin, kei chuan ka mit ka han len chho leh a, ka han en a, tlang pahnih kara sakawr tawlailir pali lo chhuak hi ka hmu a, tlangte chu dar hlawm an ni a.

2.

Tawlailir pakhatnaa mi chu sakawr sen an ni a, tawlailir pahnihnaa mi chu sakawr dum an ni a,

3.

tawlailir pathumnaa mi chu sakawr var an ni a, talailir palinaa mi chu sakawr hmarsai, chak tak si hi an ni a.

4.

Tah chuan ka chhang a, vantirhkoh mi betu hnenah chuan Heng hi eng nge ni, ka pu? Ka ti a.

5.

Tin, vantirhkoh chuan ka hnenah, "Heng hi van thli pali, leilung zawng zawng LALPA hmaa ding thin, kal chhuakte chu an nih hi."

6.

Sakawr dum awmna tawlailir chu hmar lamah a kal chhuak a, a var awmna chuan a dawt a, tin, a hmarsai awmna chu chhim ram lamah a kal chhuak a.

7.

Tin, a sente chu an han ding chhuak a, kal chhuah a, leilung awm dan endik an nghaklel hle a. Chutah vantirhkoh chuan, "kal ta u la; lei lung awm dan va endik rawh u" a ti a. Chutichuan vantirhkoh sawi ang chuan an ti a. Chutichuan lei chung zawng zawngah an vak vel ta a ni, tiin mi chhang a.

8.

Tichuan ka hnenah, Ngai rawh, hmar lama kalte khan hmar ramah chuan ka rilru an tihahdam a ni, tiin mi au a.

9.

Tin, LALPA thu chu ka hnenah a lo thleng a,

10.

Sal tang Heldaia te, Tobija te, Jedaia te laka thil chu la la, chumi ni vekah chuan lo kal la, Babulon atang an rawn pan Zepania fapa Josia inah chuan lut rawh.

11.

A ni, an lak ata tangkarua leh rangkachak te la la, lallukhumte siam la, Jehozadaka fapa Josua, puithaim lal luah chuan khumtir rawh;

12.

tin, a hnenah chuan, heti hian Sipaihote LALPA chuan a ti a ni:

13.

Ngai rawh, mi a hming chawr no chu,

14.

Ama hmun ata a lo to chhuak ang a,

15.

LALPA biak in ngei chu a rawn sa dawn a ni;

---

←  Zechariah (6/14)  →