←  Zechariah (13/14)  →
1. Chumi niah chuan sual leh bawlhhlawhna tlenfaina'n Davida chhungte leh Jerusalem luahtute hnenah tuikhur hawnin a awm ang.
2. Tin, chumi niah chuan Sipaihote LALPA thu chhuak chu heti hi a ni ang: Ram ata milem hmingte chu ka tibo ang a, Hriatrengin an awm tawh lo ang: Tin, ram ata zawlnei te leh thlarau bawlhhlawh chu Ka chhuah bo tir ang.
3. Tin, heti hi a lo ni ang a, tu pawhin thu a la hril cheu chuan A nu leh a pa amah hringtute khan, a hnenah, I nung lo ang, LALPA hmingin dawt i sawi si a, an ti ang: Tin, a nu leh a pa amah hringtute khan, thu a sawi laiin Amah chu an chhun tlang ang.
4. Chumi n ah chuan heti hi a lo ni ang a, zawlneiin thu a hrilin A inlarna hmuh apiang chu a zahpui tawh ang: mi bumna'n kawrfual hmulte an ha hek lo ang a,
5. Zawlnei ka ni lo a, hlo thlo mi ka ni e Ka tleirawl tirh ata bawiha siam ka ni si a, a ti zawk ang.
6. Tin, mi tuin emaw a hnenah I ban inkara hliamte hi eng nge ni? A ti ang a, Tin, anin, hengte hi chu, ka thiante ina ka hliam a nih hi, Tiin a chhang ang.
7. Aw khandaih, ka berampu leh ka kawppuipa chungah chuan harh rawh, tih chu Sipaihote LALPA thu chhuak a ni; Berampu chu vua la, beram rual an darh ang, a note chungah chuan ka kut ka lek ang.
8. Tin, heti hi a ni ang a, ram zawng zawngah hmun hnih zel tih chhiat a ni ang a, a thi ang: Hmun thumna erawh chu hnutchhiah a ni ang:Tin, hmun thumna chu meiin ka fiah ang, tangkaraw thianghlim angin anmahni ka tithianghlim ang a, rangkachak fiaha awm angin anmahni ka fiah ang: Ka hming an lam ang a, an mahni ka ngaithla ang: Tin, anni chu ka mite an ni, ka ti ang a, annin, LALPA chu ka pathian a ni an ti ang, Tih chu LALPA thu chhuak a ni.
9. Tin, hmun thumna chu meiin ka fiah ang, tangkaraw thianghlim angin anmahni ka tithianghlim ang a, rangkachak fiaha awm angin anmahni ka fiah ang: Ka hming an lam ang a, an mahni ka ngaithla ang: Tin, anni chu ka mite an ni, ka ti ang a, annin, LALPA chu ka pathian a ni an ti ang, Tih chu LALPA thu chhuak a ni.
←  Zechariah (13/14)  →