Zechariah (1/14)  →
1. Daria lal kum hnihna, thla riatnaah chuan Idova fa Barakia fapa zawlnei Zakaria hnenah chuan LALPA thu a lo thleng a:
2. LALPA chu in pate chungah khan a lungni lo em em a ni.
3. Chuvangin heti hian an hnenah va sawi rawh: Sipaihote LALPA chuan heti hian a ti e, Kan lam lo hawi u la, kei pawh in lam ka lo hawi ang, Tih hi Sipaihote LALPA thu chhuak a ni.
4. Zawlnei hmasaten, Sipaihote LALPA chuan, In awm dan sual chu rawn hawisan rawh u, a ti e, Tia in pate an hrilh pawha ngaithla lo a, Bengkhawn lote ang khan awm suh u, Tih hi LALPA thu chhuak a ni.
5. In pate chu khawiah nge? Zawlneite pawh chu an nung kumkhua ta em ni?
6. Ka thu leh ka thu ruatte, ka chiahhlawh zawlneite hnena Ka pek khan, in pate chu a nang ta mai pawh a ni lo'm ni? Tichuan, an lamlet a, Sipaihote LALPA chuan Kan chungchanga tih a tum thin angin Kan awm dan ang zel leh kan thiltih ang zelin Kan lakah a ti ta a ni, an tih kha, tiin.
7. Daria kum hnihna, thla sawm leh thla khatna, chu chu Sebat thla a ni a, ni sawmhnih leh ni linaa chuan Idova fa Barakia fapa, zawlnei Zakaria hnenah chuan LALPA thu a lo thleng a;
8. zanah chuan sakawr sen chunga mipakhat chuang ka hmua, ruama lenhmui thing zingah hian a ding a; tin, a hnungah chuan sakawr, a sen te, a buang te, a varte an awm a.
9. Tah chuan kei chuan, Aw ka lalpa, he'ng hi eng nge ni? Ka ti a.
10. Tin, mi lenhmui thing zinga dingkhan a chhang a, Heng hi LALPA'n lei zawng zawng fang chuak tura a tirhte chu an nih hi, a ti a.
11. Tin, anni chuan, LALPA vantirhkoh lenhmui thing zinga ding chuan a chhang a, Lei zawng zawng chu kan fang chuak tawh a, ngai rawh, lei chu a awm hle hle a, a awm mai mai a ni, an ti a.
12. Chutah LALPA vantirhkoh chuan a chhang a, Aw sipaihote LALPA, Jerusalem leh Juda khawpui chunga he kum sawmsarih i thinurnate hi eng chen nge i khawngaih loh vang le? a ti a.
13. Tin, LALPA chuan, vantirhkoh, thu tha tak thu thlamuanawm taka mi betu chu a chhang ta a.
14. Chutichuan vantirhkoh mi betu chuan ka hnenah, Heti hian va au rawh, a ti a: Sipaihote LALPA chuan heti hian a ti a ni: Jerusalem leh Zion hi vei tak meuh in ka vei a.
15. Tin, hnam nuam leng mai maite lakah chuan ka lungni lo em em a ni; Ka lungni lo deuh chauh a ni na a, Anmahni tana thil tha lo chu an tizual ta a ni.
16. Chuvangin LALPA chuan heti hian a ti a ni: Zahngaihna nen Jerusalem lam ka hawi leh mek a. Tah chuan ka in chu sak ani ang, Tih Jerusalem chungah chuan tehna zamin a la awm ang, tiin.
17. Heti hian Sipaihote LALPA chuan a ti e, Ka khawpuite chu hmuingilna avangin an vul leh ang a, LALPA chuan Zion chu a thlamuan leh ang a,Jerusalem chu a thlang leh ang,Tiin va au leh rawh, a ti a.
18. Tin, ka mit ka han len chho a, ka'n en a, ki pali ka hmu a.
19. Vantirhkoh mi betu hnenah chuan, Heng hi eng nge ni? Ka ti a. Tin, ani chuan, he'ng hi Juda te, Israel te, Jerusalem te tidarhtu ki an nih hi,tiin mi chhang a.
20. Tin, LALPA chuan thirdeng pali mi entir a.Tichuan kei chuan, Heng hi eng rawn ti tur nge an nih? Ka ti a. Ani chuan, sawng saw tumah dak chhuak ngam reng awm tawh lo khawpa Judate tidarhtu ki chu an ni a; mahse he'ng hi, anmahni tizam tur leh Juda ram tidarh tura an laka an ki rawn hmangtu hnamte ki chu paih thla tura lo kal an nih hi, tiin a sawi a.
21. Tichuan kei chuan, Heng hi eng rawn ti tur nge an nih? Ka ti a. Ani chuan, sawng saw tumah dak chhuak ngam reng awm tawh lo khawpa Judate tidarhtu ki chu an ni a; mahse he'ng hi, anmahni tizam tur leh Juda ram tidarh tura an laka an ki rawn hmangtu hnamte ki chu paih thla tura lo kal an nih hi, tiin a sawi a.
      Zechariah (1/14)  →