←  Titus (2/3)  →

---

1.

Nang erawh chuan zirtirna dik tak nena inhmeh thu sawi rawh.

2.

Putarte chu insum thei, zahawm, rilru fel tak, rinna leh hmangaihna leh chhelnaah dik tak ni turin fuih rawh.

3.

Pitarte pawhin Pathian Thu chu sawichhiata a awm lohna'n, an awm dan renga Pathian zah mite niin, hektute leh uain heh mite ni lo a, tha lam zirtirtute ni turin fuih bawk rawh.

4.

la nula deuhte chu an pasalte hmangaih tur te, an fate hmangaih tur te,

5.

rilru fel taka awm tur te, thianghlim taka awm tur te, mahni ina thawktua awm tur te, ngilneia awm tur te, anmahni pasalte thu thua awm tur tea an thunun theihna turin.

6.

Chutiang bawkin tlangvalte chu rilru fel tak pu turin fuih rawh.

7.

Lehlama tangte zinga miin kan chunga thu tha lo reng sawi tur an neih loh avanga an zah theihna'n, engkimah thil tha tih kawngah tihhmuhtuah intilang la,

8.

i zirtirnaah chuan i takzia te, i zahawmziate i thu sawi dikzia sawisel rual loh te chu tilang rawh.

9.

Bawihte chuan hnial loin, kutkem hmang loin, rinawmna tha zawng zawng tilang zawkin, an pute thu thua awm tur leh,

10.

Pathian min Chhandamtu zirtirna thu engkima an cheimawi theihna'n, engkima an lawmzawnga awm turin fuih rawh.

11.

Mi zawng zawng hnenah chhandamna rawn thlenin Pathian khawngaihna a lo lang ta si a;

12.

Pathian ngaihsak lohna leh khawvel chaknate bansanin, tun lai khawvelah hian insum leh fel tak leh Pathian ngaihsakin kan awm tur a ni tih min zirtir a,

13.

beiseina lawmawm kan Pathian ropui tak Chhandamtu Isua Krista ropuina inlarna chu nghakin.

14.

Ani chuan bawhchhiatna zawng zawng lak ata min tlan theihna tur leh, chi thlan bik, thil tha tiha thahnemngai, ama tana a tihthianghlim theihna turin kan aiin a inpek kha.Thunei takin chung thu chu hrilh la, fuih la, zilh rawh. Tuma'n hmusit che suh se.

15.

Thunei takin chung thu chu hrilh la, fuih la, zilh rawh. Tuma'n hmusit che suh se.

---

←  Titus (2/3)  →